தேர்தல் கமிஷன் பதிலால் அ.தி.மு.க.,வில் புது சர்ச்சை
Updated : ஜூன் 28, 2022 | Added : ஜூன் 28, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News


அ.தி.மு.க.,வில் பொதுச் செயலர் பதவி நீக்கப்பட்டது செல்லாது என, பல்வேறு தரப்பினர் அளித்த புகார் மனுக்கள், நடவடிக்கையில் உள்ளதாக, தேர்தல் கமிஷன் தெரிவித்திருப்பது, அ.தி.மு.க., வட்டாரத்தில், புதிய சர்ச்சையை ஏற்படுத்தி உள்ளது.

அ.தி.மு.க.,வில் ஜெயலலிதா மறைவுக்கு பின், கட்சி பொதுச் செயலராக சசிகலா, பொதுக்குழு உறுப்பினர்களால் தேர்வு செய்யப்பட்டார். அதன்பின், அவர் அப்பதவியில் இருந்து, பொதுக்குழு உறுப்பினர்களால் நீக்கப்பட்டார். கடந்த 2017ம் ஆண்டு, பொதுச் செயலர் பதவிக்கு பதிலாக, ஒருங்கிணைப்பாளர், இணை ஒருங்கிணைப்பாளர் பதவிகள் உருவாக்கப்பட்டன.

அவற்றுக்கு பொதுச்செயலர் பதவிக்கு உரிய அதிகாரங்கள் வழங்கப்பட்டு, கட்சி சட்ட விதிகள் மாற்றி அமைக்கப்பட்டன.இதை எதிர்த்து, முன்னாள் எம்.பி., - கே.சி., பழனிசாமி, கர்நாடக மாநில முன்னாள் அ.தி.மு.க., செயலர் புகழேந்தி உட்பட பலர், தேர்தல் கமிஷனில் மனு கொடுத்தனர்.



அதிகாரம் கிடையாது




கட்சியின் அடிப்படை விதிகளின்படி, பொதுச் செயலர், கட்சியின் அடிப்படை தொண்டர்களால் தேர்வு செய்யப்பட வேண்டும். இந்த விதியை மாற்ற பொதுக்குழுவுக்கு அதிகாரம் கிடையாது. பொதுச்செயலர் பதவிக்கு பதில், ஒருங்கிணைப்பாளர், இணை ஒருங்கிணைப்பாளர் பதவி உருவாக்கப்பட்டதை அங்கீகரிக்கக் கூடாது என, மனு செய்தனர். அந்த மனு தேர்தல் கமிஷனில்
நிலுவையில் இருந்தது.அதன்பின், கட்சி ஒருங்கிணைப்பாளர், இணை ஒருங்கிணைப்பாளர், கட்சியின் அடிப்படை உறுப்பினர்களால், ஒற்றை ஓட்டு அடிப்படையில் தேர்வு செய்யப்பட வேண்டும் என, சட்ட விதிகளில் திருத்தம் செய்து, செயற்குழு ஒப்புதலுடன், தேர்தல் நடத்தி முடிக்கப்பட்டது.
தற்போது, ஒற்றைத் தலைமை வேண்டும் என்ற கோரிக்கை, கட்சியில் எழுந்துள்ளது. எனவே, மீண்டும் ஒருங்கிணைப்பாளர், இணை ஒருங்கிணைப்பாளர் பதவிக்கு பதிலாக, பொதுச்செயலர் பதவியை கொண்டு வர, இணை ஒருங்கிணைப்பாளர் பழனிசாமி மற்றும் அவரது ஆதரவாளர்கள் முடிவு செய்துள்ளனர்.இதற்கு ஒருங்கிணைப்பாளர் பன்னீர்செல்வம் மற்றும் அவரது ஆதரவாளர்கள் எதிர்ப்பு தெரிவித்துள்ளதால், கட்சியில் பெரும் பிரச்னை ஏற்பட்டுள்ளது. இந்நிலையில், பொதுச் செயலர் பதவி நீக்கப்பட்டது செல்லாது எனக் கோரி, தேர்தல் கமிஷனில் கே.சி.பழனிசாமி, புகழேந்தி போன்றோர் கொடுத்த மனுக்களின் நிலை என்ன என, அ.தி.மு.க., தகவல் தொழில்நுட்ப அணி முன்னாள் மாநில செயலர் அஸ்பயர் சுவாமிநாதன், தகவல் அறியும் உரிமை சட்டத்தின் கீழ், தேர்தல் கமிஷனிடம் விளக்கம் கேட்டிருந்தார்.



பல்வேறு கேள்விகள்




அதற்கு தேர்தல் கமிஷன், 'பொதுச்செயலர் பதவி தொடர்பாக பெறப்பட்ட மனுக்கள் அனைத்தும் நடவடிக்கையில் உள்ளன' என, பதில் அளித்துள்ளது. அதைத் தொடர்ந்து, அந்த மனுக்கள் மீது, தேர்தல் கமிஷன் எந்த மாதிரியான நடவடிக்கை எடுக்கும்; பொதுச் செயலர் பதவி நீக்கப்பட்டது செல்லாது என அறிவிக்கு

மா; செல்லும் என்று அறிவிக்குமா என, பல்வேறு
கேள்விகள் எழுந்துள்ளன.ஏற்கனவே, ஒருங்கிணைப்பாளர், இணை ஒருங்கிணைப்பாளர் பதவியை, தேர்தல் கமிஷன் அங்கீகரித்து, உட்கட்சி தேர்தல் நடத்திக் கொள்ள அனுமதி அளித்து உள்ளதால், அந்த மனுக்களை தேர்தல் கமிஷன் தள்ளுபடி செய்யும் என, அ.தி.மு.க., நிர்வாகிகள் கூறுகின்றனர்.மீண்டும் பன்னீர்செல்வம் தரப்பு, தேர்தல் கமிஷன் செல்லும் என்பதால், கட்சியில் சிக்கல் அதிகரிக்கவே வாய்ப்புள்ளது.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X