அன்னூரில் சாலை அகலப்படுத்தினால் விவசாயம் பாதிக்கும்!டெல்லி செல்ல விவசாயிகள் திட்டம்
Added : ஜூன் 29, 2022 | கருத்துகள் (1) | |
Advertisement
 
 
 
Advertisement
Advertisement
dinamalar advertisement tariff
 
Latest district News

அன்னுார்:'தேசிய நெடுஞ்சாலையில் புறவழிச்சாலை அமைப்பதற்கு பதில் ஏற்கனவே உள்ள சாலையை அகலப்படுத்தலாம்,' என, மத்திய அமைச்சரிடம் விவசாயிகள் மனு அளித்தனர்.கோவை - மேட்டுப்பாளையம் தேசிய நெடுஞ்சாலையில் கட்டப்பட்டு வரும் மேம்பாலத்தை மத்திய நெடுஞ்சாலை மற்றும் தரைவழிப் போக்குவரத்து துறை இணை அமைச்சர் வி.கே.சிங் நேற்று முன்தினம் ஆய்வு செய்தார்.


அப்போது அன்னூர் மற்றும் கோவில்பாளையம் பகுதி விவசாயிகள் மற்றும் கொங்கு மண்டல விவசாயிகள் நலச்சங்க தலைவர் முருகசாமி ஆகியோர் அமைச்சரிடம் கோரிக்கை மனு அளித்தனர்.இந்த மனுவில் கூறப்பட்டுள்ளதாவது :திண்டுக்கல்-மைசூர் தேசிய நெடுஞ்சாலையில், குரும்பபாளையம் முதல் அன்னூர், புளியம்பட்டி, சத்தி வழியாக, கர்நாடக எல்லை வரை, புறவழிச்சாலை அமைக்கும் திட்டத்திற்கு 840 ஏக்கர் நிலம் கையகப்படுத்த உள்ளதாக அறிவித்துள்ளனர். இதனால் அருகில் உள்ள நிலங்களும் சேர்ந்து 3000 ஏக்கர் நிலங்கள் பாதிக்கப்படும்.பல ஆயிரம் மரங்கள் அகற்றப்படும்.
கிணறுகள் மூடப்படும். வீடுகள், தொழிற்சாலைகள் அகற்றப்படும். சிறு, குறு விவசாயிகள் பல ஆயிரம் பேர் பாதிக்கப்படுவர். கால்நடை வளர்ப்பு அழியும். 50 ஆண்டுகளாக நாங்கள் எதிர்பார்த்து வந்த அத்திக்கடவு அவிநாசி திட்டம் 98 சதவீதம் நிறைவேறி விட்டது. இன்னும் சில மாதங்களில் குளம், குட்டைகளில் நீர் நிரப்பப்பட உள்ளது. இந்த நிலையில், விவசாய நிலங்களை அழிப்பது வேதனைக்குரியது. ஏற்கனவே உள்ள நெடுஞ்சாலையில் போதுமான அகலம் உள்ளது.தேவைப்படும் இடத்தில் உயர்மட்ட மேம்பாலம் அமைக்கலாம்.

பெரும்பாலான நகரங்களில் உயர்மட்ட மேம்பாலம் அமைத்தே சாலை விரிவாக்கப் பணியை மேற்கொள்கின்றனர்.எனவே, தேசிய நெடுஞ்சாலை ஆணையம் பல ஆயிரம் ஏக்கர் விவசாய நிலங்களை அழிப்பதை கைவிட்டு, ஏற்கனவே உள்ள நெடுஞ்சாலையை அகலப்படுத்தி உயர்மட்ட மேம்பாலம் அமைக்க வேண்டும். இவ்வாறு கோரிக்கை மனுவில் தெரிவிக்கப்பட்டுள்ளது.அப்போது உடன் இருந்த பா.ஜ., விவசாய அணி மாநில தலைவர் நாகராஜ், வடக்கு மாவட்ட தலைவர் சங்கீதா ஆகியோர் இந்த கோரிக்கை குறித்து தமிழக பா.ஜ., தலைவர் அண்ணாமலையிடம் தெரிவிப்பதாகவும், டில்லியில் அமைச்சர் நிதின் கட்காரியை சந்திக்க ஏற்பாடு செய்வதாகவும் விவசாயிகளிடம் உறுதி அளித்தனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
வீரா, கொங்கு நாடு, தமிழக ஒன்றியம் தேவையென்றால் டெல்லி அரசிடம் செல்லுங்கள். சென்னை அரசு கொங்கு மண்டலத்தை புறக்கணிக்கும் ஆகையால் அது சுத்த வேஸ்ட்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X