பணம் வசூலிப்பதில் தனியார் பள்ளிகள் கறார்: டிசி தராமல் இழுத்தடிப்பதால் தவிப்பு
Updated : ஜூன் 29, 2022 | Added : ஜூன் 29, 2022 | கருத்துகள் (7) | |
Advertisement
 
 
 
Advertisement
Advertisement
dinamalar advertisement tariff
 


மறைமலை நகர்: தனியார் பள்ளி நிர்வாகங்கள், மாணவர்களின் கல்விக்கு பணம் வசூலிப்பதில் கறாராக இருப்பதாகவும், தவணை முறையில் கூட பணம் செலுத்த அனுமதிப்பது இல்லையெனவும், பெற்றோர் புகார் கூறுகின்றனர். மேலும், வேறு பள்ளிக்கு மாறுவதற்கு மாற்று சான்றிதழ் தராமல் அலைக்கழிப்பதால் அவதியடையும் அவர்கள், மாவட்ட கல்வித்துறை அதிகாரிகள் நடவடிக்கை எடுக்க வேண்டும் என எதிர்பார்க்கின்றனர்.



latest tamil news



செங்கல்பட்டு மாவட்டம், மறைமலை நகர், காட்டாங்கொளத்துார், சிங்கப்பெருமாள் கோவில் ஆகிய சுற்றுப் பகுதிகளில், தென் மாவட்டங்களைச் சேர்ந்தோர் அதிகளவில் தங்கியுள்ளனர். பெரும்பாலும் வாடகை வீடுகளில் குடியிருந்து, சென்னை சுற்றுப்புற பகுதிகளில் வேலை செய்கின்றனர்.

இவர்கள், தங்களின் பிள்ளைகளை மேற்கண்ட பகுதிகளில் உள்ள தனியார் பள்ளிகள் மற்றும் செங்கல்பட்டு பகுதிகளில் உள்ள பல பிரபலமான தனியார் பள்ளிகளில் சேர்த்து படிக்க வைக்கின்றனர்.இரண்டு ஆண்டுகளாக, கொரோனா பரவல் பாதிப்பு காரணமாக பெரும்பாலான நடுத்தர மக்கள், வருமானம் குறைந்தததால் இந்தாண்டு, தங்களின் குழந்தைகளை அரசு பள்ளி அல்லது கட்டணம் குறைவாக உள்ள தனியார் பள்ளிகளுக்கு மாற்றி வருகின்றனர்.

அவ்வாறு வேறு பள்ளிக்கு மாற்ற, மாற்று சான்றிதழ்களை குழந்தைகள் படிக்கும் பள்ளிகளில் சென்று கேட்டால், 'நாளை நாளை' என அலைக்கழிப்பதாக, பெற்றோர் கதறுகின்றனர்.
மேலும், 'நடப்பு ஆண்டுக்கான முழு கட்டணத்தையும் கட்ட வேண்டும், மூன்று மாதங்களுக்கு முன்பே தெரிவித்தால் மட்டுமே மாற்று சான்றிதழ் தருவோம்' எனக்கூறி, அவர்களை அதிர்ச்சியடைய வைக்கின்றனர்.

திருக்கச்சூர் பகுதியைச் சேர்ந்த பெற்றோர் எஸ்.தாமோதரன் என்பவர் கூறியதாவது:என் மகள், சிங்கப்பெருமாள் கோவில் அடுத்த செங்குன்றம் பகுதியில், தனியார் பள்ளியில் ஐந்தாம் வகுப்பு படித்து வந்தார்.என் வருமானத்தை கருதி, அந்த பள்ளியில் இருந்து அவரை மாற்ற நினைத்தேன். குறைந்த கட்டணம் உடைய வேறு தனியார் பள்ளிக்கு மாற்ற முடிவு செய்து, அந்த பள்ளியில், இரண்டு மாதங்களுக்கு முன்பே மாற்று சான்றிதழ் கேட்டேன்.

அந்த பள்ளி நிர்வாகம், என்னை தொடர்ந்து அலைக்கழித்து வந்ததுடன் 32 ஆயிரம் ரூபாய் வரை கட்டணம் வசூலித்தனர். அதன் பிறகே, மகளின் மாற்று சான்றிதழை தந்தனர்.
இவ்வாறு அவர் கூறினார்.






மறைமலை நகரைச் சேர்ந்த பெயர் குறிப்பிடாத ஒரு மாணவனின் தாய் கூறியதாவது:
என் மகன், வடக்குபட்டு பகுதியில் உள்ள தனியார் பள்ளியில் 9ம் வகுப்பு பயில்கிறான். நான் மறைமலை நகர் பகுதியில் உள்ள தொழிற்சாலைகளுக்கு, உணவு தயாரிக்கும் கேண்டீனில் வேலை செய்து, அவனை படிக்க வைக்கிறேன். கொரோனா காலத்தில் ஏற்பட்ட பண நெருக்கடியால், அதே பள்ளியில் என் மகனை படிக்க வைக்க முடியவில்லை.

எனவே, பள்ளியில் சென்று மாற்று சான்றிதழ் கேட்டபோது, 'இரண்டு மாதங்களுக்கு முன்பே தெரிவித்திருக்க வேண்டும்' என்றனர்.மேலும், 'இப்போதே 'டிசி' வேண்டுமென்றால் 10 ஆயிரம் ரூபாய் செலுத்தி பெற்று செல்லுங்கள்' என, பள்ளி நிர்வாகிகள் கூறினர்.
இவர் அவர் கூறினார்.

சமூக ஆர்வலர்கள் கூறியதாவது:
இந்த பகுதிகளை சுற்றி உள்ள பல பிரபலமான பள்ளிகளில், இது போன்ற சம்பவங்கள் தொடந்து நடந்து வருகின்றன.கடந்த கல்வி ஆண்டின் கட்டணம் செலுத்தவில்லை என்றால், தேர்ச்சி பெறவில்லை என மாற்று சான்றிதழ் அளிப்போம் என்கின்றனர்.

மாவட்ட கல்வி அலுவலரிடம் புகார் அளித்து பெறப்படும் மாணவர்களின் மாற்று சான்றிதழ்களில், மாணவர்களின் மொழி, மதம் உள்ளிட்டவற்றை வேண்டும் என்றே மாற்றி தருகின்றனர்.அரசு பள்ளிகளில், மாற்று சான்றிதழ் இல்லாமல், பிறப்பு சான்றிதழ் மட்டுமே வைத்து 1 முதல் 8ம் வகுப்பு வரை பிள்ளைகளை சேர்க்கும் வசதி உள்ளது.

அவ்வாறு அரசு பள்ளியில் சேர்ந்த மாணவர்களின் எண்ணிக்கையை கணக்கு எடுக்கும் பட்சத்தில் மாற்று சான்றிதழ் தராமல் அடாவடி செய்யும் பள்ளிகளை எளிதில் அடையாளம் காணலாம்.இந்த பிரச்னை குறித்து, மாவட்ட முதன்மை கல்வி அலுவலர் உரிய நடவடிக்கை எடுக்க வேண்டும்.
இவ்வாறு அவர்கள் கூறினர்.

நடுத்தர குடும்பங்களைச் சேர்ந்த பெற்றோர், தங்கள் பிள்ளைகளுக்கு தரமான கல்வி கிடைக்க வேண்டும் என்ற எண்ணத்தில், தங்கள் வருமானத்தை விட பல மடங்கு அதிகம் கட்டணம் உள்ள பள்ளிகளில், தங்கள் குழந்தைகளை சேர்த்து படிக்க வைக்கின்றனர்.அவற்றை தங்களுக்கு சாதகமாக நினைக்கும் சில தனியார் பள்ளிகள், பல காரணங்களை சொல்லி, பெற்றோரிடம் கட்டண வசூலில் ஈடுபட்டு வருகின்றன.
தற்போது, பள்ளிகளில் இருந்து மாற்று சான்றிதழ் பெற வேண்டுமென்றால், அடுத்த கல்வி ஆண்டின் முழு கட்டணத்தையும் செலுத்த வேண்டும் என்ற நிலையை, தனியார் பள்ளிகள் உருவாக்கிஉள்ளன.



வாய்ப்பு மறுப்பு



கொரோனாவுக்கு முன், பள்ளி கட்டணத்தை மூன்று அல்லது நான்கு தவணைகளில் செலுத்த, நிர்வாகங்கள் வாய்ப்பு கொடுத்தன.கொரோனாவுக்கு பின், ஓராண்டுக்கான கல்வி கட்டணத்தை ஒரே தவணையில் கட்டும்படி கெடுபிடி காட்டுகின்றனர் இது, நடுத்தர மக்களுக்கு சிரமமாக உள்ளது.என் இரு பிள்ளைகளுக்கு, நகைகளை அடமானம் வைத்து, கல்வி கட்டணம் செலுத்தி உள்ளேன்.கட்டண தொகையை, பழையபடியே மூன்று தவணையில் செலுத்த, மாவட்ட நிர்வாகம் நடவடிக்கை எடுக்க வேண்டும்.எஸ்.முரளிகிருஷ்ணன், பெற்றோர், ஊரப்பாக்கம்.



அழைப்பு துண்டிப்பு



மாற்று சான்றிதழ் தருவதில் தனியார் பள்ளிகளின் செயல்பாடு மீதான புகார்கள் குறித்து, மாவட்ட கல்வி அலுவலரிடம் தொலைபேசியில் தொடர்பு கொண்டு கேட்டபோது, 'மாற்று சான்றிதழ் தர மறுக்கும் பள்ளிகள் குறித்து பெற்றோர் புகார் அளித்தால் உடனடியாக நடவடிக்கை எடுக்கப்படும்' என்றார்.புகார் அளிக்க தொலைபேசி எண்கள் குறித்து கேட்டபோது, அழைப்பை துண்டித்துவிட்டார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (7)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
சீனி - Bangalore,இந்தியா
29-ஜூன்-202212:52:27 IST Report Abuse
சீனி கொரோனா நேரத்திலும் தனியார் பள்ளி ஆசிரியர்களுக்கு அரை சம்பளமாவது தரவேண்டும், பல பள்ளிகள் ஆசிரியர்களை வீட்டுக்கு அனுப்பிவிட்டனர், எனக்கு தெரிந்த சில ஆசிரியர்கள், கோழி வளர்ப்பு, காய்கறி விற்பனை என பரிதாப நிலைக்கு சென்று விட்டனர். மேலும் பசங்க ஆன்லைனில் படித்துவிட்டு, பள்ளி வரவில்லை என சப்பைகட்டு பதில் சொல்கின்றனர், பலர் பணம் கட்டும் நிலையில் இருந்தாலும், பீஸ் கட்டாமல் ஒரு பள்ளியை ஏமாற்றிவிட்டு,வேறு பள்ளிக்கு மாறுகிறோம் என டிசி கேட்கின்றனர். டி.சி இல்லையென்றாலும், அரசுப்பள்ளியில் போய் சேரலாம், ஆனால், ஒரு தனியார் பள்ளியில் இருந்து, இன்னொரு தனியார் எனில் டி.சி கட்டாயம். தனியார் பள்ளிகள் ரேசன் கடைகள் இல்லை, அரசு எந்த உதவியும் செய்யாது. பல தனியார் பள்ளி வேன்கள் இயக்க முடியாமல் காயலாங்கடைக்கு போய்விட்டது. வங்கியில் கடன் வாங்கி பள்ளி நடத்துபவர்கள் நிலை பரிதாபத்தில் உள்ளது, எனவே பாதிக்கு பாதியாவது கட்டினால் ஆசிரியர்களுக்கு கஞ்சி கிடைக்கும் நிலையில் தான் தனியார் பள்ளிகள் உள்ளன. எனவே உங்க பையனின் ஜாதகம் சிறப்பா இருக்க குரு தட்சணையை நியாமான அளவில் கொடுத்துவிடுங்கள். ஆசிரியரை ஏமாற்றி பையனை படிக்கவைத்தால், ஒரு காலத்தில் பெற்றவர்களையும் ஏமாற்றத்தான் செய்வான். உள்ளே, வெளியே விளையாட்டு வேண்டாம், தன்வினை தன்னைச்சுடும்.
Rate this:
Cancel
jayvee - chennai,இந்தியா
29-ஜூன்-202211:44:42 IST Report Abuse
jayvee கலாட்டா விருதில் மயங்கிக்கிடக்கும் கல்வி அமைச்சர் விழித்து எழுவாரா ?
Rate this:
Cancel
அம்பி ஐயர் - நங்கநல்லூர்,இந்தியா
29-ஜூன்-202211:43:04 IST Report Abuse
அம்பி ஐயர் அனைத்துத் தனியார் பள்ளிகளையும் தேசிய உடமையாக்க வேண்டும்.. மாநிலக் கல்விமுறை மிகவும் மோசம்.. கல்வித் துறையினை மத்திய அரசு வசம் எடுத்துக் கொண்டு.. தனியார் பள்ளிகளை நாட்டுடமையாக்கி நல்ல திறமையான (தற்போது இருப்பவர்களும் திறமையானவர்கள் தான்) ஆசிரியர்களைக் கொண்டு பாடங்கள் நடத்தினால் தமிழகம் கல்வியில் நம்பர் ஒன் மாநிலமாக முன்னாடி நிற்கும்.. அரசுப் பள்ளி ஆசிரியர்களுக்குத் தான் தகுதியும் இல்லை.. திறமையும் இல்லை தொண்ணூறு சதவீதம் பேர் இப்படித் தான்.....
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X