Dinamalar

பெரியகுளத்தை சேர்ந்த நாகராஜன் ஆண்டிபட்டி தாலுகா அலுவலகத்தில் 2011 ஜூலை 1 முதல் 28 ம் தேதி வரை தாசில்தாராக பணிபுரிந்தார். ஆத்தங்கரைப்பட்டியை சேர்ந்த கொத்தாளமுத்து, தனது மகன் சரவணனுக்கு சொத்து மதிப்பீட்டுச் சான்றிதழ் வழங்க கோரி தாசில்தாரை நாடினார்.அதற்கு அவர் ரூ.5 ஆயிரம் லஞ்சம் வழங்கினால்தான் சொத்து மதிப்பீட்டுக்கான சான்றிதழ் வழங்குவேன், என்றார்.
எரிச்சல் அடைந்த கொத்தாளமுத்து, அப்போதைய தேனி லஞ்ச ஒழிப்புத்துறை டி.எஸ்.பி., இசக்கிஆனந்தன், இன்ஸ்பெக்டர் முத்துராஜிடம் புகார் அளித்தார்.அவரிடம் 2011 ஜூலை 28 ல் ரசாயனம் தடவிய ரூபாய் நோட்டுக்களை லஞ்ச ஒழிப்பு போலீசார் வழங்கினர். தாசில்தார் நாகராஜன் லஞ்சம் பெற்றபோது கைது செய்யப்பட்டார்.

இந்த வழக்கு தேனி மாவட்ட முதன்மை குற்றவியல் நீதிமன்றத்தில் நடந்தது. நேற்று நீதிபதி கோபிநாதன், குற்றம்சாட்டப்பட்ட முன்னாள் தாசில்தாருக்கு 2 ஆண்டுகள் சிறை, ரூ.10 ஆயிரம் அபராதம் விதித்து உத்தரவிட்டார்.