Dinamalar

மானாமதுரை அருகே கொன்னக்குளத்தில் முன்னாள் முதல்வர் கருணாநிதி பிறந்தநாள் விழா ஒன்றிய துணை செயலாளர் தனசேகரன் தலைமையில் நடந்தது. செயலாளர் துரை ராஜாமணி, ஒன்றியக்குழுத் துணைத்தலைவர் முத்துச்சாமி வரவேற்றனர்.
கூட்டத்தில் அமைச்சர் பெரியகருப்பன் பேசியதாவது: அ.தி.மு.க., வில் இருக்கும் கோஷ்டி பூசல், சண்டையில்கூட தி.மு.க., ஒருதலைபட்சமாக செயல்படுவதாக கூறுகின்றனர். அ.தி.மு.க., பொதுக்குழு கூட்டம் நடக்கும் போது முன்னாள் அமைச்சர் சி.வி.சண்முகம் நாகரிகமற்றவராக மைக்கை பிடித்து கடித்துக் குதறுகிறார்.

வீதிகளில் பேசக்கூடியவர்கள் போல அநாகரீகமாக நடந்து கொள்கின்றனர். அ.தி.மு.க.,வினருக்கு நாட்டைப் பற்றியும், மக்களைப் பற்றியும் கவலை இல்லை. அவர்களுடைய எண்ணமெல்லாம் எப்படியாவது மீண்டும் ஆட்சிக்கு வந்து நாட்டை கொள்ளை அடிக்க வேண்டும் என்பதுதான்,என்றார்.கூட்டத்தில் முன்னாள் எம்.எல்.ஏக்கள் தமிழரசி, மதியரசன், மாவட்ட துணைச் செயலாளர்கள் சேங்கை மாறன், மணிமுத்து உட்பட பலர் பங்கேற்றனர்.