3,500 பாஸ்போர்ட் விண்ணப்பங்கள் தேக்கம்: தாம்பரம் போலீஸ் கமிஷனரகத்தில் குளறுபடி
Added : ஜூன் 30, 2022 | |
Advertisement
 
 
 
Advertisement
Advertisement
dinamalar advertisement tariff
 

தாம்பரம்:தாம்பரம் போலீஸ் கமிஷனரகத்திற்குட்பட்ட காவல் நிலையங்களில், 3,500 பேரின் பாஸ்போர்ட் விண்ணப்பங்கள் தேங்கி கிடப்பதாக, புகார் எழுந்துள்ளது.


தாம்பரம் போலீஸ் கமிஷனர் அலுவலகம், ஜனவரி.,1ம் தேதி முதல், சோழிங்கநல்லுார், செம்மொழி சாலையில் இயங்கி வருகிறது.ஆணையரகம் துவங்கியது முதல், இதன் கீழ் உள்ள 20 காவல் நிலையங்களிலும் எஸ்.ஐ.,க்கள், காவலர்கள் பற்றாக்குறை என, ஏராளமான நிர்வாக சிக்கல்கள் நிலவுகின்றன.
இந்நிலையில், கமிஷனரகத்திற்கு உட்பட்ட பகுதிகளில் இருந்து, பாஸ்போர்ட்டிற்காக விண்ணப்பித்தவர்களுக்கு உரிய சோதனை முடிக்கப்படாமல், தேங்கி கிடப்பதாக புகார் எழுந்துள்ளது.விண்ணப்பதாரர்கள் சிலர் கூறியதாவது:பாஸ்போர்ட்டிற்காக வரும் விண்ணப்பங்களை, அந்தந்த காவல் நிலையங்களில் பணிபுரியும், நுண்ணறிவு பிரிவு போலீசார் ஆய்வு செய்து, அவை தகுதி வாய்ந்தவையா இல்லையா என சான்றிதழ் வழங்குவர்.

போலீசார் சான்றிதழ் வழங்கினால் மட்டுமே, மற்ற பணிகள் முடிந்து, விண்ணப்பதாரர்களுக்கு பாஸ்போர்ட் வழங்கப்படும். சில மாதங்களுக்கு முன், கமிஷனரகத்திற்குட்பட்ட காவல் நிலையங்களில் பணிபுரியும், நுண்ணறிவு போலீசார் இடமாற்றம் செய்யப்பட்டனர்.புதிதாக வந்தவர்களுக்கு, ஏற்கனவே காவல் நிலையங்களில் உள்ள பணிகளுடன், பாஸ்போர்ட் விண்ணப்பங்களையும் பார்க்க வேண்டி உள்ளது. விண்ணப்பதாரர்களின் முகவரியை தேடி கண்டுபிடிப்பதில் அவர்களுக்கு சிரமம் இருப்பதாலும், பணிகளை முடிக்க முடியவில்லை.
இதனால், மருத்துவ சிகிச்சை, கல்வி மற்றும் வேலை தொடர்பாக, வெளி நாடுகளுக்கு செல்ல வேண்டியவர்கள், பாஸ்போர்ட் கிடைக்காமல் தவிக்கின்றனர்.இவ்வாறு அவர்கள் கூறினர். கமிஷனர் அலுவலக, உயர் அதிகாரி கூறுகையில், 'பாஸ்போர்ட் கோரி வந்த விண்ணப்பங்கள் தேங்கி கிடப்பது உண்மை தான். விரைவில், அனைத்து விண்ணப்பங்களும் பரிசீலிக்கப்பட்டு, சான்றிதழ் வழங்க நடவடிக்கை எடுக்கப்படும்' என்றார்.
இது ஒருபுறமிருக்க, சென்னை போலீஸ் கமிஷனரக, தென் மண்டல இணை கமிஷனர் அலுவலகத்தின் கீழ், புறநகரில் இயங்கி, தாம்பரம் போலீஸ் கமிஷனரகத்துடன் இணைக்கப் பட்ட,15 காவல் நிலையங்களில் பணிபுரியும் போலீசாருக்கு, மூன்று மாதங்களுக்கு உணவுப் படி வழங்கப்படவில்லை என்ற புகாரும் உள்ளது.இதே போல, செங்கல்பட்டு, காஞ்சிபுரம் மாவட்டங்களில் இருந்து இணைக்கப்பட்ட காவல் நிலையங்களில் பணிபுரியும் போலீசாருக்கு, ஏழு மாதங்களுக்கான உணவுப்படி வழங்கப்படவில்லை என, கூறப்படுகிறது.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X