Dinamalar

திருக்கோவிலுார் : திருக்கோவிலுாரில் சார்பு நீதிமன்றம் அமைக்க அரசாணை வெளியிட்ட அரசுக்கு வழக்கறிஞர்கள் நன்றி தெரிவித்துக் கொண்டுள்ளனர்.

திருக்கோவிலுாரில் சார்பு நீதிமன்றம் ஏற்படுத்த வேண்டுமென வழக்கறிஞர்கள் நீண்ட நாட்களாக கோரிக்கை விடுத்து வந்தனர்.அதனைத் தொடர்ந்து, மாவட்ட அமைச்சர் பொன்முடி, சட்டத்துறை அமைச்சர் ரகுபதி ஆகியோரின் நடவடிக்கை காரணமாக திருக்கோவிலுாரில் சார்பு நீதிமன்றம் அமைப்பதற்கான ஆணையை நேற்று அரசு பிறப்பித்துள்ளது.இதன் மூலம் இனி வரும் காலங்களில் மேல்முறையீட்டு சிவில் வழக்குகள், 10 ஆண்டுகளுக்குள் தண்டனை பெறும் குற்றவியல் வழக்குகள், சீராய்வு மனு உள்ளிட்ட பல்வேறு வழக்குகளை இந்நீதிமன்றத்தில் விசாரிக்க முடியும்.

தற்போதைய நிலவரப்படி நீதிமன்ற எல்லைக்குட்பட்ட 900க்கும் மேற்பட்ட வழக்குகள் சார்பு நீதிமன்றம் துவங்கிய நிலையில் கையாள்வதற்கு தேவையான வழக்குகள் இருப்பதாக வழக்கறிஞர்கள் தெரிவிக்கின்றனர்.சார்பு நீதிமன்றம் அமைக்க நிதி ஒதுக்கீடு மற்றும் பணியாளர்கள் ஒதுக்கீடு, செயல் வடிவ திட்ட முறைகள் கொண்ட அரசாணை வெளியிட்ட தமிழக அரசுக்கு வழக்கறிஞர்கள் சார்பில் நன்றி தெரிவித்துள்ளனர்.