Dinamalar

விருத்தாசலம் : கோ.ஆதனுார் அரசு உயர்நிலை பள்ளியில் முதல் மூன்று இடங்களை பிடித்த மாணவர்களுக்கு, பெற்றோர் ஆசிரியர் கழகம் சார்பில் பரிசு வழங்கப்பட்டது.

விருத்தாசலம் அடுத்த கோ.ஆதனுார் அரசு உயர்நிலைப் பள்ளியில், பத்தாம் வகுப்பு தேர்வெழுதிய 82 மாணவர்களில் 70 மாணவர்கள் தேர்ச்சி பெற்றனர். தேர்ச்சி சதவீதம் 84.5 ஆகும்.அதில், மாணவி தனுஸ்ரீ 406; மாணவி சந்தியா 405, மாணவர் கவின்ராஜ் 395 மதிப்பெண்கள் பெற்று முதல் மூன்று இடங்களை பிடித்தனர். இவர்களுக்கு பாராட்டு விழா நடந்தது. தலைமையாசிரியர் சக்திவேல் தலைமை தாங்கினார்.ஊராட்சி தலைவர் குணசேகரன், வழக்கறிஞர் ராஜதனபாண்டியன், பெற்றோர் ஆசிரியர் கழக தலைவர் தியாகராஜன் ஆகியோர் முன்னிலை வகித்தனர். வார்டு கவுன்சிலர் சங்கர், ஆசிரியர்கள் மற்றும் மாணவர்கள் உட்பட பலர் பங்கேற்றனர். தமிழாசிரியர் பழனிவேல் நன்றி கூறினார்.