குப்பை கொட்ட வழியின்றி மாநகராட்சி திணறல்! தீயிட்டு எரிப்பதால் சுகாதார சீர்கேடு
Added : ஜூன் 30, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News

கடலுார் : கடலுார் மாநகராட்சியில் அள்ளப்படும் குப்பைகளை ஆங்காங்கே தீயிட்டு எரிப்பதால் சுகாதாரச் சீர்கேடு ஏற்பட்டுள்ளது. பொது மக்கள் எதிர்ப்பு காரணமாக குப்பை கொட்ட வழியின்றி மாநகராட்சி நிர்வாகம் திணறி வருகிறது.

கடலுார் மாநகராட்சியில் 45 வார்டுகள், ஒன்றியத்தில் 20 ஊராட்சிகள் உள்ளன. மூன்று லட்சத்துக்கும் மேற்பட்டோர் வசிக்கின்றனர். மாநகராட்சிப் பகுதியில் தினமும் 15 டன்னுக்கு மேல் குப்பை சேகரமாகிறது.இதில் மக்கும் மற்றும் மக்கா குப்பைகளாக தரம் பிரிக்கப்படுகிறது. மக்கும் குப்பைகளில் இருந்து இயற்கை உரம் தயாரிக்கப்படுகிறது. கடந்த காலங்களில் சேகரமான குப்பைகள், திருப்பாதிரிப்புலியூர் கம்மியம்பேட்டை, பச்சையாங்குப்பம் ஆகிய இடங்களில் கிடங்குகள் அமைத்து கொட்டப்பட்டன.

அங்கு, குப்பைகள் எரிப்பதால் சுகாதார சீர்கேடு ஏற்படுவதாக அப்பகுதி மக்கள் எதிர்ப்பு தெரிவித்தனர். இப்பிரச்னைக்கு நிரந்தர தீர்வு காண 'பயோ மைனிங்' என்ற நவீன முறைப்படி நாள்பட்ட குப்பைகளைப் பிரித்து முற்றிலும் அகற்றி, குப்பைகளை கொட்டாமலிருக்க நடவடிக்கை எடுக்கப்பட்டுள்ளது.

மாநகராட்சி சார்பில் கடலுாரில் சேகரமாகும் குப்பைகளை கொட்ட தேர்வு செய்யும் இடத்திற்கும் அப்பகுதி மக்கள் எதிர்ப்பு தெரிவிக்கின்றனர்.கடந்த செப்டம்பரில் கடலுார் அடுத்த வெள்ளப்பாக்கம் ஊராட்சியில் 90 ஏக்கரில் ஏற்கனவே செயல்பட்டு கைவிடப்பட்ட விதைப் பண்ணை நிலத்தை பயன்படுத்த முடிவெடுக்கப்பட்டது.அந்த இடத்தை கடந்த செப்., 9ம் தேதி பார்வையிட சென்ற போது கிராம மக்கள் எதிர்ப்பு தெரிவித்து, தர்ணா போராட்டத்தில் ஈடுபட்டனர். அடுத்து, கூத்தப்பாக்கம் கான்வென்ட் பஸ் நிறுத்தம் அருகில் குப்பை கிடங்கு அமைக்க மாநகராட்சி அதிகாரிகள் இடம் தேர்வு செய்தனர்.

இதற்கும் அப்பகுதி மக்கள் 100க்கும் மேற்பட்டோர் சம்பவ இடத்தில் திரண்டு எதிர்ப்பு தெரிவித்தனர். கலெக்டரை சந்தித்து மனு அளித்தனர். இதனால் கடலுார் மாநகராட்சியினர், குப்பை கொட்ட இடமின்றி தவிக்கும் நிலை உள்ளது.கடலுார் திருப்பாதிரிபுலியூர் ஜவான்பவன் சாலையோரம் கெடிலம் ஆற்றிலும் தென்பெண்ணையாற்று பகுதியிலும் குப்பைகளை கொட்டி மாநகராட்சியினர் சமாளித்து வருகின்றனர்.இதனால் பல இடங்களில் குப்பைகளையே அள்ளாமல் ஊழியர்கள் அப்படியே தீவைத்து எரித்து வருகின்றனர். இதனால் புகை மண்டலம் சூழ்ந்து சுற்றுசூழல் பாதிக்கிறது.

உலக வெப்பமயமாதலையொட்டி போகி பண்டிகைக்கு கூட பழைய பொருட்களை தீ வைத்து எரிப்பதை தவிர்த்து வரும் நிலையில், மாநகராட்சி ஊழியர்கள் ஆங்காங்கே குப்பைகளை குவித்து தீ வைத்து எரிப்பது பொது மக்கள் மத்தியில் அதிருப்தியை ஏற்படுத்தியுள்ளது.


 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X