விவசாயிகள் நல்ல லாபம் பெற தேனீ வளர்க்கலாம்! வேளாண்துறை அழைப்பு
Added : ஜூன் 30, 2022 | |
Advertisement
 
 
 
Advertisement
Advertisement
dinamalar advertisement tariff
 

பெ.நா.பாளையம்:தேனி வளர்ப்பு மற்றும் பயிர் மகசூலில் தேனீக்களின் பங்கு அதிக அளவு இருப்பதால், விவசாயிகள் தேனீ வளர்ப்பில் ஈடுபட்டு, அதிக பயன்பெறலாம் என, வேளாண்துறை, விவசாயிகளுக்கு அறிவுரை வழங்கி உள்ளது.பெரியநாயக்கன்பாளையம் வேளாண் அலுவலர் மைதிலி, துணை வேளாண் அலுவலர் விஜய கோபால் கூறியதாவது:அதிக அளவில் மலர்கள் பூத்த இடங்களிலும் மரம், செடி, கொடி அடர்ந்த இடங்களிலும், தேனீப் பெட்டி அமைக்க வேண்டும்.


20 கிலோ தேன் சேகரிக்க, 100 பூத்த மரங்களும், 2 முதல், 4 ஏக்கர் வரையிலான பயிர்கள் அடங்கிய பயிர் பரப்பும் அவசியம்.தேனீ வளர்ப்பின் அருகில் சுத்தமான நீர் கிடைக்கக்கூடிய வகையில் இருத்தல் வேண்டும். பலத்த காற்று தேனீக்களை பாதிக்காத வண்ணம், காற்றைத் தடுக்கும் மரங்கள் உள்ள இடமாக இருக்கவேண்டும்.காலை, மாலை நல்ல சூரிய வெளிச்சம் பெறக்கூடிய வகையில் இருக்க வேண்டும். கோடை காலத்தில் அதிக வெப்பம் படாது பாதுகாக்க வேண்டும். அபீஸ்செரீனா, அபீஸ் மெல்லிப்பிரா என்ற இரண்டு வகை தேனீக்களை தேர்ந்தெடுக்கலாம்.ஒவ்வொரு தேனீ பெட்டியிலும், போதுமான அளவு உணவு இருக்கிறதா, அப்படி இல்லையெனில் உணவுக்கு ஏற்பாடு செய்தல் வேண்டும். ராணித்தேனீ உள்ளதா, முட்டையிட்டு வருகிறதா, அப்படி இல்லை எனில் புதிய ராணி தேனீ ஏற்பாடு செய்தல் வேண்டும். முட்டையிட ஏதுவாக போதுமான சட்டங்கள் உள்ளதா என பரிசோதித்தல் வேண்டும். ஏதேனும், நோய் அல்லது எதிரிகள் ஏதும் உள்ளதா என்பதை அடிக்கடி கண்காணித்தல் வேண்டும்.தேனீ பெட்டிகளை பரிசோதிக்கும் போது, கருப்பு நிற உடைகளை தவிர்த்தல் வேண்டும். கருப்பு நிற உடைகள், தேனீக்களுக்கு எரிச்சல் ஊட்டும். கடுமையான வாசம் உள்ள திரவியங்கள், தேங்காய் எண்ணெய், கடிகாரம் ஆகியவற்றை தவிர்த்தல் வேண்டும். முகக்கவசம், கையுறை போன்ற சாதனங்களை அணிந்து கொண்டு தேன் எடுக்க வேண்டும். மின்னும், கண்ணை உறுத்தும் ஆடைகளை தவிர்க்க வேண்டும். காலையில் தேனீக்கள் வெளியே சென்ற பின்னர், புகையை செலுத்தினால் அடியில் உள்ள பெரிய தேனீக்கள் வெளியேறிவிடும். சிறிய தேனீக்கள் மட்டுமே இருக்கும், அவைகள் கொட்டாது.பெட்டியில் உள்ள, 5 சட்டங்களையும் தனித்தனியே வெளியே எடுத்து, அடையில் உள்ள தேனை பிரித்தெடுக்க வேண்டும். எடுத்த தேனை வடிகட்டி பயன்படுத்தலாம்.இவ்வாறு, துணை வேளாண் அலுவலர் விஜயகோபால் கூறினார்.
தேனீ வளர்க்கும் விவசாயி விஜயகணபதி கூறுகையில்," பெரியநாயக்கன்பாளையம் வட்டார மலையோர கிராமங்களில் தேனீ வளர்ப்பில் விவசாயிகள் ஈடுபட்டு வருகின்றனர். மலைப்பகுதியிலிருந்து வரும் தேனீக்களுடன், சில நேரங்களில் தோட்டங்களில் வளர்க்கும் தேனீக்களும் சேர்ந்து சென்று விடுகின்றன.தேனீ பெட்டிகள் வாகை மரத்தில் செய்யப்பட வேண்டும். ஆனால், பெரும்பாலான பெட்டிகள், சாதாரண ரீப்பர் கட்டைகளில் வைத்து செய்யப்படுவதால், தேனீக்கள் அதில் தங்குவதில்லை. மேலும், சில நாட்களில் அந்த தேனீ பெட்டிகள் பழுதடைந்து விடுகின்றன" என்றார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X