Dinamalar

விவேகானந்தர் பாறைக்கு படகு போக்குவரத்து தாமதமானது.மாவட்டத்தில் ஆடி மாதம் காற்று அதிக வேகத்தில் வீசும். ஆனல் இந்த ஆண்டு ஆடி பிறக்க இன்னும் 15 நாட்கள் உள்ள நிலையில் காற்றின் வேகம் அதிகரித்துள்ளது. நேற்று அதிகாலை முதல் சூறாவளி வீசுகிறது. மரங்கள் விழுந்துள்ளன.
அ.தி.மு.க., எம்.பி., விஜயகுமார், தொகுதி மேம்பாட்டு நிதியில் ரூ.75 லட்சம் ஒதுக்கி கன்னியாகுமரியில் 150 அடி உயர கொடிகம்பத்தில் 32 அடி அகலம், 48 அடி நீளம் கொண்ட தேசிய கொடி நேற்று முன்தினம் ஏற்றப்பட்டது. நேற்று வீசிய காற்றில் இந்த கொடி சேதமடைந்தது.

எளிதில் சேதம் அடையாது என்று தெரிவிக்கப்பட்டிருந்த நிலையில் ஒரே நாளில் தேசிய கொடி சேதம் அடைந்தது அதிகாரிகளை அதிர்ச்சி அடைய செய்துள்ளது. நேற்றிரவு சேதமடைந்த கொடி இறக்கப்பட்டது. காற்றின் வேகம் காரணமாக விவேகானந்தர் பாறைக்கு படகு சேவை இரண்டு மணி நேரம் தாமதமாக தொடங்கியது.