Dinamalar

அரிய கடல்வாழ் உயிரினமான கடல் அட்டையை பிடிக்க மத்திய அரசு தடை விதித்துள்ளது. ஆனால் ராமேஸ்வரம், மண்டபம் பகுதியில் கடல் அட்டையை பிடித்து மறைவான இடத்தில் பதப்படுத்தி கள்ளத்தோணியில் இலங்கைக்கு கடத்தி செல்கின்றனர்.
ராமேஸ்வரம் அருகே வேதாளை கடற்கரையில் மண்டபம் வனச்சரக அலுவலர் மகேந்திரன் தலைமையில் வனத்துறையினர் சோதனையில் ஈடுபட்டனர். அப்போது கடலோரத்தில் உள்ள தோப்பில் பதுக்கி வைத்திருந்த 480 கிலோ கடல் அட்டையை பறிமுதல் செய்தனர். இதனை இலங்கைக்கு கடத்த கடத்தல்காரர்கள் திட்டமிட்டு இருந்தது தெரியவந்தது. வனத்துறையினர் வழக்கு பதிந்து கடத்தல்காரர்களை தேடி வருகின்றனர்.