நிலம் கையகப்படுத்த அதிகாரிகள் நியமனம்: 5 மாதங்களாக பணிகளில் ஆமை வேகம்!
Updated : ஜூலை 01, 2022 | Added : ஜூலை 01, 2022 | கருத்துகள் (1) | |
Advertisement
 
 
 
Advertisement
Advertisement
dinamalar advertisement tariff
 

சமீபகாலமாக பாலங்கள், புறவழிச்சாலைகள் போன்ற பணிகள், நிலம் கையகப்படுத்துவதில் ஏற்படும் தாமதத்தால், ஆண்டுக்கணக்கில் இழுத்துக் கொண்டிருப்பதாக மக்களிடம் கடும் அதிருப்தி ஏற்பட்டு வருகிறது.

இந்தக் குறையைத் தீர்க்கும் பொருட்டு, நெடுஞ்சாலைத்துறைத் திட்டங்களுக்கு நிலம் கையகப்படுத்தும் பணிக்காகவே, ஒரு சிறப்புப் பிரிவை உருவாக்கி, கடந்த ஜனவரியில் அரசாணை (எண்:8 தேதி: 13-01-2022) வெளியிடப்பட்டது. தமிழகத்தை ஐந்து மண்டலங்களாகப் பிரித்து, சிறப்புப் பிரிவுகள் உருவாக்கப்பட்டன. கடந்த மே மாதத்தில், இந்த பிரிவுகளின் எண்ணிக்கையை14 ஆக உயர்த்தி, அரசாணைகள் வெளியிடப்பட்டன.



latest tamil news



இவற்றில், கோவையை தலைமையிடமாகக் கொண்டும் ஒரு சிறப்புப் பிரிவு துவக்கப்பட்டது. சிறப்பு டி.ஆர்.ஓ., தலைமையில் ஒரு நிர்வாக யூனிட் அலுவலகம், கோவை கலெக்டர் அலுவலகத்திலும், இரண்டு தாசில்தார்கள் தலைமையில் களப்பணி யூனிட் அலுவலகங்கள், தெற்கு தாலுகா அலுவலகத்திலும் திறக்கப்பட்டன. சிறப்பு டி.ஆர்.ஓ.,வாக நியமிக்கப்பட்ட வேணு சேகரன், கடந்த ஏப்., 25ல் பொறுப்பேற்றார்.

இங்கு பணியில் சேர்ந்த சில நாட்களிலேயே, அவர் விடுமுறையில் சென்று விட்டார். கலெக்டர் உத்தரவின்பேரில், கடந்த மாதத்தில்பணிக்குத் திரும்பிய அவர், நேற்று பணியிலிருந்து ஓய்வு பெற்றார். ஐந்து மாதங்களாக டி.ஆர்.ஓ., இல்லாததால், கீழுள்ள அதிகாரிகளும் ஆமை வேகத்தில் பணிகளை மேற்கொள்கின்றனர். கடந்த ஜனவரியில் அரசாணை வெளியிடப்பட்டு துவக்கப்பட்ட சிறப்புப் பிரிவு, இதுவரையிலும் எந்தவொரு திட்டத்துக்கும், நிலம் கையகப்படுத்தும் பணியை வெற்றிகரமாக முடித்ததாகத் தெரியவில்லை.

அவினாசி ரோடு மேம்பாலம், உக்கடம் மேம்பாலம், மேற்கு புறவழிச்சாலை, எஸ்.ஐ.எச்.எஸ்., காலனி, தண்ணீர்ப்பந்தல் உள்ளிட்ட பல்வேறு ரயில்வே மேம்பாலங்கள் என மொத்தம் 24 பணிகள், மாநில நெடுஞ்சாலைத்துறையால் மேற்கொள்ளப்படுகின்றன.






பாலங்கள், பை-பாஸ் உள்ளிட்ட பெரும்பாலான திட்டங்கள், நிலம் கையகப்படுத்துவதில் உள்ள சிக்கல்களால்தான், ஆண்டுக்கணக்கில் இழுக்கின்றன; பயனற்ற வகையில் மாற்றப்பட்டுள்ளன அல்லது கைவிடப்பட்டு வருகின்றன. இவ்வளவு அதிகமான பணிகள் நடக்கும் ஒரு மாவட்டத்துக்கு, ஓய்வு பெறும் நிலையில் உள்ள ஒருவரை, டி.ஆர்.ஓ.,வாக நியமித்தது ஏனென்பது புரியாத புதிராக உள்ளது.

அடுத்ததாக, புதிய டி.ஆர்.ஓ., எப்போது நியமிக்கப்படுவார், அவர் எப்போது பணியில் பொறுப்பேற்பார், அவராவது இங்கு பணியில் நீடிப்பாரா என்பதெல்லாம் தமிழக அரசுக்கே வெளிச்சம். கோவையில் கடந்த ஓராண்டாக, நெடுஞ்சாலைத்துறையால் புதிய திட்டங்கள் எதுவும் அறிவிக்கப்படவில்லை. குறைந்தபட்சம் பழைய திட்டங்களையாவது வேகப்படுத்த, சரியான அதிகாரிகளை நியமிக்க வேண்டியது, அரசின் அதிமுக்கியக் கடமை.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
01-ஜூலை-202210:13:52 IST Report Abuse
நக்கீரன் (நெற்றிக்கண் திறப்பினும் குற்றம் குற்றமே) இங்கே ஒரு பிரச்சனையை புரிந்து கொள்ள வேண்டும். அரசுக்கோ அரசு அதிகாரிகளுக்கோ எந்த ஒரு வேலையையும் முடிப்பதற்கு எந்த ஒரு காலக்கெடுவும் இல்லை. அதற்க்கு அவர்கள் கூறும் உப்புசப்பில்லாத காரணங்களை யாராலும் கேள்வி எழுப்ப முடியாது. லட்சக்கணக்கில் மக்களின் வரிப்பணத்தை சம்பளமாக வாங்குபவர்கள் சிறிதும் மனசாட்சி இல்லாமல் பணி செய்யாமல் இருக்கின்றனர். மக்களின் பணத்தில் ராஜயோக வாழ்க்கை வாழ்கின்றனர். அவர்களை மேலதிகாரிகளும் முதல்வரும் எந்த கேள்வியும் எழுப்பதில்லை. காரணம் ஊழல் பணம். தனியார் நிறுவனங்களில் வேலை செய்வோரும் கூலி வேலை செய்யும் ஏழைகளும் அந்த அரசு அதிகாரிகளுக்கும் சேர்த்து உழைத்துக்கொண்டு இருக்கிறோம். சிங்க பெருமாள் கோவில் மேம்பால பணிகள் அரசின் வேகத்திற்கு ஒரு சாட்சி. கடைசியில் கஷ்டப்படுபவர்கள் மக்கள். நீதிபதிகளும் நிதிபதிகளாகிவிட்ட காரணத்தால் அவர்களும் கண்டு கொள்வதில்லை. மொத்தத்தில் இந்த ஜனநாயக அரசுகள் மக்களை ஏமாற்றி வருகின்றனர். அவர்கள் அரசை நடத்துவதில் தோல்வி அடைந்துவிட்டனர்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X