Dinamalar

திருக்கோவிலுார் அடுத்த சீர்பனந்தல் கிராமத்தைச் சேர்ந்தவர் ரத்தினம், 55; நேற்று முன்தினம் மாலை தனக்கு சொந்தமான டி.வி.எஸ்., ஸ்போர்ட் பைக்கில் மணலுார்பேட்டை நோக்கி சென்று கொண்டிருந்தார். மணலுார்பேட்டை உயர்மட்ட பாலத்தில் சென்று கொண்டிருந்தபோது, பெரியமணியந்தல் கிராமத்தைச் சேர்ந்த சந்திரசேகரன் ஓட்டி வந்த பைக் மோதியது.இதில் பலத்த காயமடைந்த ரத்தினத்தை அப்பகுதியில் இருந்தவர்கள் மீட்டு 108 ஆம்புலன்ஸ் மூலம் திருவண்ணாமலை அரசு மருத்துவமனைக்கு அனுப்பி வைத்தனர்.

அங்கு அவரை பரிசோதித்த டாக்டர்கள் ஏற்கனவே இறந்து விட்டதாக தெரிவித்தனர்.இது குறித்து பிரிதிவிராஜ் கொடுத்த புகாரின் பேரில் மணலுார்பேட்டை போலீசார் வழக்குப் பதிந்து விசாரித்து வருகின்றனர்.