வாகனங்கள் நிறுத்தும் இடம் பயன்பாட்டிற்கு வருவது எப்போது: தவிக்கும் காஞ்சிபுரம்
Updated : ஜூலை 04, 2022 | Added : ஜூலை 04, 2022 | கருத்துகள் (2) | |
Advertisement
 
 
 
Advertisement
Advertisement
dinamalar advertisement tariff
 

காஞ்சிபுரம்: காஞ்சிபுரம் நகர் பகுதியில் நாளுக்கு நாள் போக்குவரத்து நெரிசல் அதிகரித்து வருகிறது. வெளியூர் வாகனங்கள் நிறுத்தும் இடம் கட்டி முடிக்கப்பட்டு மூன்று ஆண்டுகளுக்கும் மேலாகியும், பயன்பாட்டுக்கு எப்போது வரும் என மாநகர மக்கள் எதிர்பார்க்கின்றனர்.



latest tamil news



காஞ்சிபுரத்தில் பழைமையான கோவில்கள் அதிகம் உள்ளன. வரலாற்று சிறப்பு பெற்ற கோவில்கள் மற்றும் பஞ்சபூத தலங்களில் முதல் தலமாக கருதப்படும் ஏகாம்பரநாதர் கோவில், காஞ்சி காமாட்சி அம்மன், வரதராஜப்பெருமாள் ஆகிய கோவில்கள் உள்ளன.

மேலும் தொல்லியல் துறை கட்டுப்பாட்டில் உள்ள கைலாசநாதர் கோவில், வைகுண்ட பெருமாள் கோவில்களில் உள்ள சிற்பங்களை பார்ப்பதற்கு வெளிநாட்டு சுற்றுலா பயணியர் அதிகம் வருகின்றனர்.அனைத்து கோவில்களுக்கும் தினமும் வெளியூர் பக்தர்கள் நுாற்றுக்கணக்கான கார், வேன்களில் அதிகம் வருகின்றனர்.

காஞ்சிபுரம் கோவிலுக்கு வரும் யாத்ரீகர்கள் வருகையை மேலும் அதிகரிக்கும் வகையில் பாரம்பரிய நகர வளர்ச்சி மேம்பாட்டு திட்டத்தில் பல கோடி ரூபாய் மதிப்பில் பணிகள் நடந்தன. கோவிலுக்கு வரும் பக்தர்கள் தங்குவதற்காக விடுதிகள் கட்டப்பட்டன.
அதில் ஒரு பகுதியாக சுற்றுலா வளர்ச்சி துறை சார்பில், வெளியூரில் இருந்து கோவிலுக்கு செல்லும் பக்தர்கள் வாகனங்கள் நிறுத்துவதற்காக காஞ்சிபுரம் ஒலிமுகமதுபேட்டை பகுதியில் வாகனங்கள் நிறுத்தும் இடம் கட்டப்பட்டது. கடந்த 2017ல் பணி துவங்கப்பட்டு இரண்டு ஆண்டுகளில் பணி முடிந்து விட்டது. நாளுக்கு நாள் வாகனங்கள் அதிகரித்து வருவதால், நகரில் போக்குவரத்து நெரிசலை தவிர்க்க முடியாத நிலை உள்ளது.

நகருக்குள் செல்லும் வாகனங்கள் குறைந்தால் மட்டுமே போக்குவரத்து நெரிசலை தவிர்க்க முடியும். அதற்கு நகர் பகுதியில் கட்டி முடிக்கப்பட்ட வாகன நிறுத்தம் இடம் பயன்பாட்டுக்கு கொண்டு வரவேண்டும்.பேருந்து நிலையம் நகருக்கு வெளியில் செல்ல வேண்டும். இந்த திட்டம் நடைமுறைப்படுத்தினால் எதிர்காலத்தில் நகர் பகுதியில் மக்கள் சாலையை எளிதில் கடக்க முடியும். அந்த அளவுக்கு வாகனங்கள் அதிகரிப்பால் சிரமபட வேண்டிஇருக்கும் என நகர மக்கள் ஆதங்கப்படுகின்றனர்.






யார் பராமரிப்பது



வாகனங்கள் நிறுத்தும் இடம் கட்டி முடிக்கப்பட்டு இன்னும் பயன்பாட்டுக்கு வரவில்லை. காஞ்சிபுரம் நகர் பகுதியில் வழக்கம் போல் போக்கு வரத்து நெரிசல் ஏற்படுகிறது. பக்தர்கள் கோவிலுக்கு செல்லும் வாகனங்கள் அந்தந்த கோவில் வளாகத்தில் நிறுத்துவதற்கு இட வசதி இல்லாமல் அவதிப்படுகின்றனர்.
ஒலிமுகமதுபேட்டை பகுதியில், வெளியூர் வாகனங்கள் நிறுத்தினால் கோவில் பகுதியில் போக்குவரத்து நெரிசலை தவிர்க்கலாம். அந்த இடத்தில் 250 வாகனங்கள் நிறுத்தலாம்.அங்கு நிறுத்தப்படும் வாகனங்களை பராமரிக்கும் பொறுப்பை யார் செய்வது, என்ற கேள்வி எழுந்துள்ளது. அறநிலையத்துறையா அல்லது சுற்றுலா வளர்ச்சி துறையா என முடிவுக்கு வராமல் கிடப்பில் உள்ளது.
காஞ்சிபுரம் வட்டார போக்குவரத்து அலுவலகத்தில் கடந்த நான்கு ஆண்டுகளில் பதிவு செய்யப்பட்ட வாகனங்கள் விபரம்:
ஆண்டு பதிவு2017 -18 17,0212018 -19 18,3782019 -20 16,9832020 -21 12,9192021 222 12,912 (31.3.22) மொத்தம் 78,213.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
அம்பி ஐயர் - நங்கநல்லூர்,இந்தியா
04-ஜூலை-202219:22:24 IST Report Abuse
அம்பி ஐயர் ஒலிமுகம்மது பேட்டை... நாசரத் பேட்டை.... ஆடிசன் பேட்டை என்ற ஊர்களின் பெயரை அதற்கு முன்னர் இருந்த பெயர்களில் மாற்ற வேண்டும்.... இன்னும் மூணு வருஷத்துக்கும் திறக்கமாட்டாங்க..... அப்புறம் பராமரிப்பு செலவுன்னு சில பல கோடிகளை விழுங்கி ஏப்பம் விடுவாங்க....
Rate this:
Cancel
Indhuindian - Chennai,இந்தியா
04-ஜூலை-202210:06:33 IST Report Abuse
Indhuindian நகரை அழகு படுத்திடுவதாக சொல்லி வரதராஜ பெருமாள் சன்னதி தெரு மற்றும் தென்னண்ட மாடவீதியில் நடைபாதை அமைப்பதாக சொல்லி உபயோகப்படுத்த முடியாதமாதிரி ஒரு அடிஉயரத்தில் நடை பாதை யாரும் அதில் போவது இல்லை தெருவின் அகலம் சுருங்கியதுதான் மிச்சம் கார் மற்றும் டூ வீலர் அவைகளை வீட்டுக்குள் ஏதுசெல்வதற்காக மிச்சம் இருக்கும் தெருவில் ராம்ப் போட்ட்குக்கொண்டு விட்டார்கள். தென்னண்டை மாடவீதீயில் அதே காதடிதான் ஒரு கார் வந்தால் எதிரில் மற்றொரு வாகநம் போகமுடியாது வாஷ்க ஸ்மார்ட் சிட்டி இந்த ஆஷகுக்கு அந்த வூரு கார்பொரேஷன் ஆயிடுச்சு எப்படி கட்சி காரங்களும் கான்ட்ராக்டர்களும் சம்பாதிச்சிட்டாங்க அது போதும்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X