Dinamalar

கடலுார் : கடலுார் மாவட்டத்தில் கடந்த 6 மாதங்களில் 12 'போக்சோ' வழக்குகளில் குற்றவாளிகளுக்கு கோர்ட்டில் தண்டனை பெற்றுத் தரப்பட்டது.இதுகுறித்து மாவட்ட காவல் துறை அலுவலக செய்திக்குறிப்பு:கடலுார் மாவட்டத்தில் பெண்கள் மற்றும் சிறுவர், சிறுமிகளுக்கு எதிரான குற்றங்களை சம்பந்தப்பட்ட காவல் நிலைய அதிகாரிகள் தடுத்து குற்றவாளிகள் மீது நடவடிக்கை எடுக்க வேண்டுமென எஸ்.பி., சக்தி கணேசன் உத்தரவிட்டார்.

அதன்பேரில், கடந்த 6 மாதங்களில் கடலுார் அனைத்து மகளிர் காவல் நிலையத்தில் 2 வழக்குகள், விருத்தாசலம் அனைத்து மகளிர் காவல் நிலையத்தில் 2, நெய்வேலி அனைத்து மகளிர் காவல் நிலையத்தில் 3,பண்ருட்டி அனைத்து மகளிர் காவல் நிலையத்தில் 4, பரங்கிப்பேட்டை காவல் நிலையத்தில் 1 வழக்கு என மொத்தம் 12 வழக்குகளில் குற்றவாளிகளுக்கு கோர்ட்டில் தண்டனை பெற்றுத் தரப்பட்டது.