Dinamalar

கூடலுார்:கூடலுார் ஓவேலி பகுதியில், மான் வேட்டையில் கைது செய்யப்பட்ட குற்றவாளியின் வீட்டில் காலி தோட்டாக்கள், வெடி மருந்து பறிமுதல் செய்யப்பட்டது.நீலகிரி, கூடலுார் குண்டபுழா வனப்பகுதியில், கடமான் வேட்டையில் ஈடுபட்ட பால்மேட்டை சேர்ந்த பாலகிருஷ்ணன் 38, ஓவேலி புஷ்பராஜ் 33, மைக்கேல் 30, அருண் 26, ஆகியோரை, தேவாலா போலீசார் கைது செய்து, கடமான் இறைச்சி, நாட்டு துப்பாக்கி, தோட்டாக்களை பறிமுதல் செய்து விசாரிக்கின்றனர். இந்நிலையில், கூடலுார் டி.எப்.ஓ., கொம்மு ஓம்காரம் உத்தரவுப்படி, உதவி வனப்பாதுகாவலர் சீனிவாசன், வனச்சரகர் சதாம் உசேன்கான், வன ஊழியர்கள், முதுமலை மோப்பநாய் உதவியுடன், கைதானவர்கள் வீட்டில் சோதனையிட்டனர்.புஷ்பராஜ் வீட்டிலிருந்து, வேட்டைக்கு பயன்படுத்திய, 17 காலி தோட்டாக்கள், 250 கிராம் வெடிமருந்து பவுடர், டார்ச் லைட் ஆகியவற்றை பறிமுதல் செய்தனர். உதவி வனப்பாதுகாவலர் சீனிவாசன் கூறுகையில், ''பறிமுதல் செய்யப்பட்ட தோட்டாக்கள், வெடி மருந்து ஆகியவை போலீசாரிடம் ஒப்படைக்கப்படும். வனவிலங்கு வேட்டை, குற்றவாளிகளுடன் தொடர்பில் இருந்தவர்கள் குறித்து தொடர் விசாரணை நடந்து வருகிறது,'' என்றார்.

• 1.வகுப்புக்கு செல்லாமலே தேர்வில் பாஸ்: மாணவர் நலனில் விளையாட்டு!
• 2.மத்திய ஜி.எஸ்.டி., அலுவலக பணி மந்தம்: ரீபண்ட் பெறுவதில் தாமதம்
• 3.மாணவன் அடித்துக் கொலை நண்பர்களிடம் விசாரணை
• 4.'ஆதார்' இணைக்கும் வாக்காளர் 'இ - சர்டிபிகேட்' பெற வாய்ப்பு
• 5.கயிறு தொழில் குழுமங்கள் துவக்கி வைக்கிறார் முதல்வர்
• 6.இன்ஸ்பெக்டர் மகனை தாக்கி வழிப்பறி
• 7.மாநகராட்சி அலுவலகத்தில் தீ தீயணைப்பு வீரர்களுக்கு வாந்தி
• 8.மருத்துவ ஜவுளி பொருளில் கிருமி இருக்கா: கண்டுபிடிக்க கோவையில் அமைகிறது 'ஆன்டி வைரல் டெஸ்டிங் சென்டர்'
• 9.கருப்புக்கொடி போராட்டம்தொடரும் பொதுமக்கள்
• 10.பட்டு வளர்ச்சி துறை தகவல்உழவன் செயலியில் 'மாயம்'