அரசு பஸ் டிரைவரை தாக்கி சிறைபிடிப்பு: நள்ளிரவில் சாலை மறியலால் பரபரப்பு
Added : ஜூலை 07, 2022 | கருத்துகள் (1) | |
Advertisement
 
 
 
Advertisement
Advertisement
dinamalar advertisement tariff
 
Latest district News

பல்லடம்: பல்லடம் அருகே, அரசு பஸ் டிரைவர், நடத்துனரை சிறைபிடித்ததை கண்டித்து, போக்குவரத்து ஊழியர்கள், நள்ளிரவில் சாலை மறியலில் ஈடுபட்டனர்.



திருப்பூர் மாவட்டம், உடுமலையில் இருந்து அரசு பஸ் (டிஎன்.07.என்.438) நேற்று முன்தினம் இரவு திருப்பூர் சென்று கொண்டிருந்தது. பல்லடம் - மகாலட்சுமி நகர் பகுதியில், எதிரே வந்த 'மாருதி ஸ்விப்ட்' கார் (டிஎன்.07.பிசி.7929) 'யு டர்ன்' எடுக்க, அரசு பஸ் டிரைவர் உடனடியாக நிறுத்தினார்.பஸ் பயணிகள் சிலர் காயமடைந்தனர்.

காரில் வந்தவர்களுக்கும், அரசு பஸ் டிரைவர் அருண்குமார், 33, நடத்துனர் மாரிமுத்து, 43 மற்றும் பயணிகளுக்கும் இடையை வாக்குவாதம் ஏற்பட்டது. அது கைகலப்பாக மாறி, இருதரப்பினரும் மோதலில் ஈடுபட்டனர்.ஒரு கட்டத்தில், காரில் வந்தவர்கள், அருகிலுள்ள திருமண மண்டபத்துக்குள் சென்றனர். அவர்களை பின் தொடர்ந்து சென்ற பஸ் டிரைவர், நடத்துனரை சிறை பிடிக்கப்பட்டனர்.

தகவலறிந்து வந்த பிற அரசு போக்குவரத்து கழக ஊழியர்கள், பஸ்களை ரோட்டில் நிறுத்தி, டிரைவர், நடத்துனரை தாக்கியவர்களை கைது செய்ய கோரி, சாலை மறியலில் ஈடுபட்டனர். போலீசார் சமாதானப்படுத்தி கலைந்து போக செய்தனர்.போலீசார் கூறுகையில், 'காரில் வந்த செல்வகுமார் 26, சண்முகநாதன் 31, பிரேம்குமார் 26 ஆகியோர் குடி போதையில் இருந்துள்ளனர். போக்குவரத்து கழக ஊழியர்கள் அளித்த புகார் அடிப்படையில், இவர்கள் கைது செய்யப்பட்டுள்ளனர். இதேபோல், தகாத வார்த்தை பேசியது மற்றும் கைகலப்பில் ஈடுபட்டதால், அரசு பஸ் டிரைவர், கண்டக்டர் மீதும் வழக்கு பதியப்படும்' என்றனர்.

ஆள் மாறாட்டத்துக்கு போலீசார் ஆதரவு?
போக்குவரத்து கழக ஊழியர்கள் சிலர் கூறியதாவது:காரில் நால்வர் வந்தனர். குடிபோதையில் இருந்த இவர்களிடம், 'ஏன் இப்படி கார் ஓட்டி வருகிறீர்கள்?' என, பயணிகள் உட்பட நாங்களும் கேட்டோம். இதற்கு வாக்குவாதத்தில் ஈடுபட்டு எங்களை தாக்கினர். டிரைவர் முகத்தில் ஒருவர் குத்தியதில், அவரது கண்ணில் அடிபட்டு, முகம் வீங்கி, தீவிர சிகிச்சைப்பிரிவில் உள்ளார்.

தாக்குதலில் ஈடுபட்ட நால்வரில் ஒருவர் தலைமறைவானார். போலீசார் கைது செய்துள்ள மூவரில், இருவருக்கு இந்த பிரச்னையில் சம்பந்தமே இல்லை. தி.மு.க., பிரமுகர் சிலரின் உதவியுடன் நடந்துள்ள ஆள் மாறாட்டத்துக்கு போலீசார் ஆதரவு அளித்துள்ளனர். இதில் தொடர்புடைய நால்வரையும் கைது செய்ய வேண்டும்.இவ்வாறு, அவர்கள் கூறினர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
07-ஜூலை-202220:33:06 IST Report Abuse
Gopalakrishnan S குடித்து விட்டு சண்டை போட்டு போலீஸ் இடம் வேறு ஆட்களை அனுப்பி வைப்பது - தீயமுக அல்லக்கைகளின் கொட்டம் அதிகமாகி விட்டது. அரசு ஊழியர்கள் தீயமுக ஆதரவாளர்கள் ஆவர். அவர்களுக்கு நன்றாக வேண்டும் !
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X