Dinamalar

வேலுார் மாவட்டம், விருபாட்சிபுரத்தைச் சேர்ந்தவர், 45 வயதான கூலித்தொழிலாளி. இவரது குடிப்பழக்கத்தால், மனைவி சில ஆண்டுகளுக்கு முன் பிரிந்து, சென்னையில் வேறு ஒருவரை திருமணம் செய்து கொண்டார். இதனால், 15 வயது மகன், 13 வயது மகளை கூலித்தொழிலாளி வளர்த்து வந்தார்.
நேற்று முன்தினம் அவர் வெளியே சென்ற நிலையில், மகள் பிரசவ வலியால் துடித்தார். அருகில் இருந்தவர்கள் அவரை, வேலுார் அரசு மருத்துவமனையில் அனுமதித்தனர். அங்கு சிறுமிக்கு ஆண் குழந்தை பிறந்தது.செவிலியர்கள் விசாரித்ததில், சிறுமிக்கு திருமணமாக வில்லை என்பது தெரிந்தது.

இது குறித்து, வேலுார் சமூக நலத்துறைக்கு தகவல் தெரிவித்தனர்.விசாரணையில், மனைவி பிரிந்து சென்ற விரக்தியில், தினமும் மது குடித்து வந்த அந்த தொழிலாளி, மகளை கட்டாயப் படுத்தி, அடித்து, உதைத்து பாலியல் பலாத்காரம் செய்துள்ளார். இதில், அவர் கர்ப்பமடைந்து, குழந்தை பிறந்தது தெரியவந்தது.சமூக நலத்துறை புகார்படி, வேலுார் மகளிர் போலீசார், சிறுமியின் தந்தையை போக்சோ சட்டத்தில் கைது செய்து, வேலுார்மத்திய சிறையில் அடைத்தனர்.