திருத்தணி தி.மு.க., பிரமுகர் பழிக்குப்பழியாக கொலை:3 இளைஞர்கள் கைது | காஞ்சிபுரம் செய்திகள் | Dinamalar
திருத்தணி தி.மு.க., பிரமுகர் பழிக்குப்பழியாக கொலை:3 இளைஞர்கள் கைது
Added : ஆக 10, 2022 | |
Advertisement
 
Latest district News

திருத்தணி:திருத்தணி அருகே, 10 ஆண்டு பகை, பழிக்குப்பழியாக தி.மு.க., பிரமுகர் வெட்டிக் கொலை செய்யப்பட்டார். இது தொடர்பாக மூன்று பேர் கைது செய்யப்பட்டனர்.


திருவள்ளூர் மாவட்டம், திருத்தணி, ஜெ.ஜெ., நகரைச் சேர்ந்தவர் மோகன், 35; தி.மு.க., பிரமுகர். இவர், நேற்று முன்தினம் இரவு 10:30 மணிக்கு, அரக்கோணத்தில் இருந்து, 'டி.வி.எஸ்., ஜூபிட்டர்' இருசக்கர வாகனத்தில், வீட்டிற்கு வந்து கொண்டிருந்தார். வீட்டின் அருகே வந்தபோது, இளைஞர்கள் மூவர் மோகனை தடுத்து நிறுத்தி, சரமாரியாக கத்தியால் வெட்டி தப்பினர்.
பகுதிமக்கள் மோகனை மீட்டு, திருத்தணி அரசு மருத்துவமனையில் அழைத்து சென்றனர். அங்கு மருத்துவ பரிசோதனையில் அவர் இறந்தது தெரியவந்தது.திருத்தணி டி.எஸ்.பி., விக்னேஷ் மேற்பார்வையில், இன்ஸ்பெக்டர் ஏழுமலை, எஸ்.பி., தனிப்படை எஸ்.ஐ.,குமார் ஆகியோர் தலைமையில் இரண்டு தனிப்படைகள் அமைத்து தப்பியோடிய இளைஞர்களை தேடி வந்தனர். சென்னை, வியாசர்பாடியில் பதுங்கியிருந்த இரண்டு இளைஞர்களும், திருத்தணி, பெரியார் நகரில் ஒருவரும் சிக்கினர்.தொடர் விசாரணையில், பிடிபட்டவர்கள் திருத்தணியைச் சேர்ந்த சஞ்சய், 23, விக்னேஷ், 22, வியாசர்பாடியைச் சேர்ந்த ரித்திஷ், 18, என்பது தெரிய வந்தது.போலீசாரின் விசாரணையில் தெரியவந்ததாவது:

சஞ்சையின் சித்தப்பா சிவா என்பவரை, 2012ல் திருத்தணி, மேட்டுத் தெரு ரயில்வே கேட் அருகே, மோகன் மற்றும் கூட்டாளிகள் ஐந்து பேர் சேர்ந்து, கத்தியால் சராமரியாக வெட்டி தப்பினார். அதிர்ஷ்டவசமாக உயிர் பிழைத்த சிவா, சில ஆண்டுகளுக்கு முன் உயிரிழந்தார். தன் சித்தப்பாவை கொலை செய்ய முயற்சித்த மோகனை தீர்த்துக் கட்டுவதற்கு தீர்மானித்த சிவா, நோட்டமிட்டு வந்ததாக தெரிகிறது.
இந்நிலையில், நேற்று முன்தினம் சிவாவின் நினைவு நாள் என்பதால், சஞ்சய் கூட்டாளிகளுடன், மோகனை கத்தியால் வெட்டி கொலை செய்தது, விசாரணையில் தெரிய வந்தது.இதையடுத்து, திருத்தணி போலீசார் வழக்கு பதிந்து சஞ்சய், விக்னேஷ், ரித்திஷ் ஆகிய 3 பேரை கைது செய்தனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X