'இந்தியா வரும் 2047ல் வல்லரசாக மாறும்':மத்திய இணை அமைச்சர் முருகன் நம்பிக்கை | கோயம்புத்தூர் செய்திகள் | Dinamalar
'இந்தியா வரும் 2047ல் வல்லரசாக மாறும்':மத்திய இணை அமைச்சர் முருகன் நம்பிக்கை
Added : ஆக 14, 2022 | கருத்துகள் (1) | |
Advertisement
 
Latest district News

கோவை:''அப்துல் கலாம் கனவு கண்டதைப்போல வரும், 2047ம் ஆண்டு இந்தியா வல்லரசாக மாறும்,'' என, மத்திய இணை அமைச்சர் முருகன் கூறினார்.நாட்டின், 75வது சுதந்திர தினத்தை முன்னிட்டு கோவை சுவாமி விவேகானந்தா கேந்திரா சார்பில், நவ இந்தியாவில் உள்ள ஹிந்துஸ்தான் கலை அறிவியல் கல்லுாரியில் சுதந்திர ஓட்டம் நேற்று நடந்தது.


மத்திய இணை அமைச்சர் முருகன் துவக்கிவைத்த ஓட்டத்தில், ஆயிரக்கணக்கான கல்லுாரி மாணவர்கள் பங்கேற்றனர். சுதந்திர ஓட்டமானது கல்லுாரி வளாகத்தில் துவங்கி, லட்சுமி மில்ஸ் உட்பட முக்கிய சாலைகள் வழியாக, 7.2 கி.மீ கடந்து மீண்டும் கல்லுாரியில் நிறைவடைந்தது. மாணவர்கள் அனைவருக்கும் தேசியக் கொடி வழங்கப்பட்டது.தொடர்ந்து, நிருபர்களிடம் முருகன் கூறியதாவது:மத்திய, மாநில அரசுகள் சுதந்திர தின விழாவை கொண்டாடி வருகின்றன. பிரதமர் மோடி கடந்த, 13- முதல், 15ம் தேதி வரை அனைவரும் வீடுகளில் தேசியக் கொடி ஏற்றுமாறு வேண்டுகோள் விடுத்தார். அதுகுறித்து கடந்த, 10 நாட்களாக விழிப்புணர்வு ஏற்படுத்தப்பட்டு வந்தது. சுதந்திரத்துக்காக பாடுபட்ட விடுதலை போராட்ட வீரர்களை நினைவு கூறும் விதமாகவும், நம் தேசியக் கொடியின் பெருமையை இளைய தலைமுறையினரிடம் எடுத்துச்சொல்லும் விதமாகவும் இம்மராத்தான் நடத்தப்பட்டது.பிரதமரின் வேண்டுகோளை ஏற்று காஷ்மீர் முதல் கன்னியாகுமரி வரை அனைவரும் வீடுகளில் தேசியக் கொடி ஏற்றி வருகின்றனர். தமிழகம் வீரபாண்டிய கட்டபொம்மன், பூலித்தேவன், தீரன் சின்னமலை, பாரதியார் போன்ற பல சுதந்திர போராட்ட வீரர்களை தந்த மாநிலம்.
குறிப்பாக, வ.உ.சி.,யின், 150-வது ஆண்டு பிறந்த தினத்தை நாம் கொண்டாடி வருகிறோம். அறியப்படாத விடுதலைப் போராட்ட வீரர்களும் பலர் உள்ளனர். சர்வதேச அரங்கில் வளர்ந்து வரும் நாடான இந்தியா, வரும், 2047ம் ஆண்டில் அப்துல் கலாம் கனவு கண்டதைப் போல வல்லரசாக மாறும்.இவ்வாறு, அவர் கூறினார்.கள்ளுக்கடை மறியலில் ஈடுபட்டதால், 1930ம் ஆண்டு கடுங்காவல் தண்டனை விதிக்கப்பட்டு, கண்ணனுார் சிறையில் அடைக்கப்பட்டவர் சுதந்திரப் போராட்ட வீரர் தியாகி கோபாலசாமி செட்டியார். கோவை, துடியலுார் வெள்ளக்கிணறு பகுதியில் அமைந்துள்ள அவரது வீட்டுக்கு இணை அமைச்சர் முருகன் சென்றார். அங்கு அவரது படத்திற்கு மலர் துாவி மரியாதை செலுத்திய பின்னர் அவரது மகன் ரங்கராஜ்க்கு தேசியக் கொடி வழங்கினார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X