லாரியை பிடித்த பா.ஜ.,வினர் கைது:ஆர்ப்பாட்டத்தால் பரபரப்பு | கோயம்புத்தூர் செய்திகள் | Dinamalar
லாரியை பிடித்த பா.ஜ.,வினர் கைது:ஆர்ப்பாட்டத்தால் பரபரப்பு
Added : ஆக 14, 2022 | |
Advertisement
 
Latest district News

பொள்ளாச்சி:அதிகளவு கருங்கற்கள் ஏற்றிவந்த லாரி மீது கல் வீசிய பா.ஜ., நகர தலைவர் உள்ளிட்ட மூன்று பேரை கிழக்கு போலீசார் கைது செய்ததை கண்டித்து, அக்கட்சியினர் ஆர்ப்பாட்டத்தில் ஈடுபட்டனர்.கோவை மாவட்டம், பொள்ளாச்சி அருகே ஜமீன் முத்துாரில் இருந்து நேற்று முன்தினம் அதிகளவில் கருங்கற்கள் ஏற்றிவந்த இரு லாரிகளை காந்தி சிலை அருகே பா.ஜ.,வினர் சிறைபிடித்தனர். அப்போது, லாரியின் முன்பக்க கண்ணாடி மீது கட்சியினர் கல் வீசி தாக்குதல் நடத்தினர்.


போலீசார், பேச்சுவார்த்தை நடத்தி லாரிகளை ஸ்டேஷன் கொண்டு சென்றனர்.இதையடுத்து, கேரளா மாநிலத்தை சேர்ந்த லாரி டிரைவர் ஜோபி, 40, லாரி உரிமையாளர் அபிலாஸ் உடன் வந்து போலீசாரிடம் புகார் கொடுத்தார். அதன் பேரில், பா.ஜ., நகர தலைவர் பரமகுரு, 36, பா.ஜ., பிரமுகர்கள் சபரி, 25, செந்தில், 38 ஆகியோர் மீது கொலை மிரட்டல் விடுத்தல், வாகனத்தை சேதப்படுத்துதல், அனுமதியின்றி ஒன்றாக கூடுதல் உள்ளிட்ட ஐந்து பிரிவுகளின் கீழ் வழக்குப்பதிவு செய்து கைது செய்தனர்.
இதை கண்டித்து கோவை தெற்கு மாவட்ட பா.ஜ., சார்பில் பி.எஸ்.என்.எல்., அலுவலகம் அருகே கண்டன ஆர்ப்பாட்டம் நடந்தது.மாவட்ட தலைவர் வசந்தராஜன் நிருபர்களிடம் கூறுகையில்,''கேரளாவுக்கு அதிகளவு கனிம வளங்கள் கடத்துவது குறித்து அரசு அதிகாரிகளிடம் பலமுறை மனு கொடுத்தும் நடவடிக்கை இல்லை. போலீசார் கனிம வளங்கள் கடத்தலை தடுக்க நடவடிக்கை எடுத்திருந்தால் இந்த பிரச்னை ஏற்பட்டு இருக்காது. அவர்களது அலட்சியத்தால் தான் கடத்தல் தொடர்கிறது. இதுகுறித்து நீதிமன்றத்துக்கு செல்வோம். பா.ஜ., நிர்வாகிகள் மூவரை கைது செய்ததால் அச்சமடைந்துவிடுவோம் என நினைக்க வேண்டாம்; 300 பேர் களத்தில் இறங்குவர்,'' என்றார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X