தேசப்பற்றை நெஞ்சில் தாங்கி திரண்டது மக்கள் வெள்ளம்!
Updated : ஆக 15, 2022 | Added : ஆக 15, 2022 | கருத்துகள் (9) | |
Advertisement
 
 
 
Advertisement
Advertisement
dinamalar advertisement tariff
 

திருப்பூர்: 'தினமலர்' நாளிதழ் சார்பில் திருப்பூரில் நேற்று நடந்த சுதந்திர தின பவள விழா மெல்லோட்டத்தில், பல்லாயிரக்கணக்கானோர் தேசப்பற்றை நெஞ்சில் தாங்கி, மூவர்ணக்கொடியுடன் எழுச்சியுடன் பங்கேற்றனர்.



latest tamil news


'தினமலர்' நாளிதழ் சார்பில், திருப்பூரில் நேற்று (ஆக., 14) சுதந்திர தின, பவள விழா மெல்லோட்டம் நடந்தது. கலெக்டர் அலுவலக வளாகத்தில், காலை, 6:45 மணிக்கு 'வனத்துக்குள் திருப்பூர்' திட்டக்குழு சார்பில், 75 வகை மரக்கன்றுகள் நடப்பட்டன. 'தினமலர்' நாளிதழ் கோவை பதிப்பு வெளியீட்டாளர் இல.ஆதிமூலம், தென்னிந்திய பனியன் உற்பத்தியாளர் சங்க தலைவர் ஈஸ்வரன், ஏற்றுமதியாளர் சங்க தலைவர் ராஜா சண்முகம், வெற்றி அமைப்பு தலைவர் சிவராம், 'விவித் பேஷன்ஸ்' நிர்வாக இயக்குனர் வாசுநாதன் உள்ளிட்ட தொழில் அமைப்பினர் மரக்கன்றுகளை நட்டனர்.

காலை, 7:30க்கு சுதந்திர தின பவள விழா, மெல்லோட்டம் துவங்கியது. அமைச்சர் சாமிநாதன், கலெக்டர் வினீத், 'தினமலர்' கோவை பதிப்பு வெளியீட்டாளர் இல.ஆதிமூலம், எஸ்.பி., செஷாங் சாய், எம்.எல்.ஏ.,க்கள் செல்வராஜ், விஜயகுமார், ஆனந்தன், மேயர் தினேஷ்குமார், துணை மேயர் பாலசுப்பிரமணியம் உள்ளிட்டோர் கொடியசைத்து துவக்கி வைத்தனர்.



விண்ணைப்பிளந்த 'வந்தே மாதரம்'




'ஜாவா' குழுவினரின் 'டூ வீலர்' அணிவகுப்பு; பள்ளி மாணவ, மாணவியரின் 'ஸ்கேட்டிங்' அணிவகுப்பு; தேசியக்கொடியேந்திய குதிரை வீரர்கள் அணிவகுப்பு, ஊர்க்காவல் படையினரின் பேண்டு வாத்திய அணிவகுப்பு; 'வனத்துக்குள் திருப்பூர்' திட்டக்குழுவினர், 'லகு உத்யோக் பாரதி' அமைப்பினர், பள்ளி, கல்லுாரி மாணவ, மாணவியர், என்.எஸ்.எஸ்., மற்றும் என்.சி.சி.,யினர் அணிவகுப்பு என,'வந்தே மாதரம்...' முழக்கம் விண்ணைப்பிளந்தது.






பேண்டு வாத்தியம் இசைத்த படியும், சிலம்பாட்டம் ஆடியபடியும், கராத்தே சீருடையில் அணிவகுத்தும் பல்வேறு பள்ளிகளை சேர்ந்த மாணவர்கள் வந்தனர். ஏராளமான பொதுமக்கள், குடும்பத்தினருடனும், குழந்தைகளுடனும் குவிந்தனர்.
தென்னம்பாளையம், பழைய பஸ் ஸ்டாண்ட் மேம்பாலம், மாநகராட்சி அலுவலக சந்திப்பு, பார்க் ரோடு வழியாக, மெல்லோட்டம், நஞ்சப்பா பள்ளியை சென்றடைந்தது. காலை, 7:32க்கு துவங்கிய மெல்லோட்டம், காலை 8:32க்கு பள்ளி வளாகத்தை அடைந்தது.



பறக்க விடப்பட்ட மூவர்ண பலுான்கள்




மெல்லோட்ட பாதையின் இடையே நான்கு இடங்களில், பவள கும்மியாட்டம், ஒயிலாட்டம், பெருஞ்சலங்கையாட்டம், பரத நாட்டிய நிகழ்ச்சிகள் உற்சாகமூட்டுவதாக இருந்தது. நஞ்சப்பா பள்ளியில், கோவை 'புட் லுாஸ்' குழுவினரின் கலை நிகழ்ச்சி நடந்தது. எம்.பி., சுப்பராயன் தேசியக்கொடியை ஏற்றி வைத்தார்.

'தினமலர்' கோவை பதிப்பு வெளியீட்டாளர் இல.ஆதிமூலம், மாநகராட்சி கமிஷனர் கிராந்திகுமார், இந்திய ஏற்றுமதியாளர் கூட்டமைப்பு(பியோ) தலைவர் சக்திவேல், திருப்பூர் ஏற்றுமதியாளர் சங்க தலைவர் ராஜா சண்முகம், துணைத்தலைவர் பழனிசாமி, 'வெற்றி' அமைப்பு தலைவர் சிவராம், திட்ட இயக்குனர் குமார் உள்ளிட்டோர், மூவர்ண பலுான்களை வானில் பறக்கவிட்டனர்.

தன்னம்பிக்கை பேச்சாளர் பாரதி பாஸ்கர், சுதந்திர தினம் குறித்து எழுச்சியுரை நிகழ்த்தினார். தொடர்ந்து, குமரன் கல்லுாரி மாணவியரின் தேசிய கீதத்துடன் விழா நிறைவு பெற்றது.மெல்லோட்டம் நிகழ்ச்சியை முன்னிட்டு, பள்ளி மாணவர்களுக்கான ஓவியப்போட்டி நடத்தப்பட்டிருந்தது. இதில், தேர்ந்தெடுக்கப்பட்ட ஓவியங்கள், நஞ்சப்பா பள்ளி வளாகத்தில் காட்சிக்கு வைக்கப்பட்டிருந்தன. மெல்லோட்டத்தை வாழ்த்தும் வகையில், 'தினமலர்' நாளிதழ் வைத்திருந்த பேனரில் பொதுமக்கள் கையெழுத்திட்டு வாழ்த்து தெரிவித்தனர்.



கவனம் ஈர்த்த நாட்டுப்புற கலைஞர்கள்



பாரம்பரியத்தை போற்றும் விதமாக திருப்பூரை சேர்ந்த நாட்டுப்புற கலைஞர்கள் கலை வடிவில் தங்கள் தேசப்பற்றை வெளிப்படுத்தினர். தென்னம்பாளையம் அருகே அமைந்த மேடையில், வலசுபாளையம், ஆலாம்பாடி, நெய்காரன்பாளையம் பகுதியை சேர்ந்த வள்ளி கும்மி குழுவினர் பாரம்பரிய கும்மியாட்டத்தை நிகழ்த்தினர். காட்டன் மார்க்கெட் தபால் நிலையம் அருகே அமைந்த மேடையில், கருமத்தம்பட்டியை சேர்ந்த, சங்கமம் கலைக்குழுவினரின் ஒயிலாட்டம் வெகுவாக கவர்ந்தது.

காமராஜர் ரோட்டில் அமைந்த மேடையில் கலை இலக்கிய அணி கொங்குநாடு மக்கள் தேசிய கட்சி சார்பில், 42 பேர் கொண்ட கலைக்குழு, பெருஞ்சலங்கை ஆட்டம், திருப்பூர் குமரன் வரலாற்று பாடல், தீரன் சின்னமலை வரலாற்று பாடல், மண் உழவு இசை, நாட்டு தவில் இசை, கொங்குநாட்டு விருத்த பாடல் நிகழ்ச்சிகள் கண்ணுக்கும், காதுக்கும் விருந்தாக அமைந்தது. மாநகராட்சி அலுவலகத்தில் அமைந்த மேடையில், சாய் கிருஷ்ணா ஸ்கூல் ஆப் பைன் ஆர்ட்ஸ் சேர்ந்த, 14 பேர் சுதந்திர தின போராட்ட வீரர்களின் வேஷம் அணிந்தபடி நாட்டியம் நிகழ்த்தினர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (9)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Tamilan - NA,இந்தியா
15-ஆக-202216:10:01 IST Report Abuse
Tamilan தேசத்தை விலைக்கு விற்கும் கூட்டம் இதைவிட அதிகம்
Rate this:
Cancel
Vaduvooraan - Chennai ,இந்தியா
15-ஆக-202214:48:10 IST Report Abuse
Vaduvooraan சிலிர்க்க வைக்கும் பதிவு வந்தே மாதரம் வாழ்க பாரதம்
Rate this:
Cancel
Rajagopalan - பெங்களூரு,இந்தியா
15-ஆக-202212:32:08 IST Report Abuse
Rajagopalan தினமலர் தேசிய சேவைக்கு தலை வணங்குகிறோம்
Rate this:
சாண்டில்யன் - Paris,பிரான்ஸ்
15-ஆக-202223:19:39 IST Report Abuse
சாண்டில்யன்இன்றைக்கு ஆங்கில நாளிதழ் ஒன்று எண்பத்திரண்டு பக்கங்கள் வெளியிட்டுள்ளார்கள் நாம்?????????...
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X