Dinamalar

சேலம்:நிலத்தை விற்றுத் தருவதாக கூறி, 1.20 கோடி ரூபாய் மோசடி செய்தவர்கள் மீது நடவடிக்கை எடுக்கக்கோரி, எஸ்.பி.,யிடம் புகார் அளிக்கப்பட்டது.

சேலம் மாவட்டம், ஆத்துார், திருமால் நகரை சேர்ந்தவர் கோபாலகிருஷ்ணன், 53. தமிழக மரவள்ளி சாகுபடி விவசாயிகள் சங்கத்தலைவர், தமிழ்நாடு விவசாய சங்க கூட்டு இயக்க மாநில செயலராக உள்ளார்.அவர், எஸ்.பி., ஸ்ரீஅபிநவிடம் அளித்த புகார் மனு:

தலைவாசல், மணிவிழுந்தானை சேர்ந்த தமிழரசன், 45; சின்னசேலம் சண்முகம், 40. ஆத்துார் பிரபா, 43, ராமசாமி, 60, ராஜசேகர், 45, ஆகியோர், எங்கள் பூர்வீக நிலத்தை விற்றுத்தரும் போர்வையில், 80 லட்சம் ரூபாயை அபகரித்து கொண்டனர்.

மேலும், நம்பிக்கை அடிப்படையில் வழங்கிய, நெல் அறுவடை இயந்திரம், ஆர்.சி., புத்தகங்கள், புரோ நோட் ஆகியவற்றையும் அபகரித்துக்கொண்டு தர மறுக்கின்றனர்.இதுகுறித்து கேட்ட போது, என்னையும், பெற்றோரையும் கொன்று விடுவதாக மிரட்டுகின்றனர். அவர்கள் மீது நடவடிக்கை எடுத்து, மோசடி செய்த பணம், பொருட்கள் என, 1.20 கோடி ரூபாயை மீட்டுத்தர வேண்டும்.இவ்வாறு தெரிவித்துள்ளார்.

• 1. ரூ.400 கோடி நலத்திட்ட பணி துவக்கம் இளைஞர் நலத்துறை அமைச்சர் உதயநிதி பங்கேற்பு
• 2. சார்பதிவாளர் அலுவலகத்தில் சிறப்பு முகாம் துவக்கம்
• 3. ஆதார் அட்டை புதுப்பிக்க 10 இடங்களில் சிறப்பு முகாம்
• 4. வேளாண் கல்லூரி மாணவியர் 'உழவன் செயலி' குறித்து விளக்கம்
• 5. தேசிய வாலிபால் போட்டி: மாணவிக்கு பாராட்டு
• 6. மருத்துவ உதவியாளர் பணிக்கு வேலை வாய்ப்பு முகாம்
• 7. பொது வழி பாதையில் கட்டப்பட்ட ஆக்கிரமிப்பு கடை இடித்து அகற்றம்
• 8.சில வரி செய்திகள்: தர்மபுரி மாவட்டம்
• 9. ஏற்காட்டில் பலத்த சத்தம் பொதுமக்கள் அச்சம்
• 10. மூளை ரத்தக்குழாயில் ஏற்பட்ட வீக்கம் தரண் மருத்துவமனையில் நவீன சிகிச்சை