வடபழநி கோவிலில் விநாயகர் சிலைகள் இலவச வினியோகம்: தமிழகம் முழுவதும் அமல்படுத்துவாரா அமைச்சர்?
Updated : செப் 01, 2022 | Added : செப் 01, 2022 | கருத்துகள் (7) | |
Advertisement
 
 
 
Advertisement
Advertisement
dinamalar advertisement tariff
 

றிவியலும், ஆன்மிகமும் இரண்டற கலந்த விநாயகர் சதுர்த்தி கொண்டாட்டத்தின் அவசியத்தை இளையதலைமுறையினருக்கு எடுத்துரைக்கும்விதமாக சென்னை, வடபழநி முருகன் கோவிலில் தக்கார் சார்பில், களிமண்ணாலான விநாயகர் சிலைகள் மூன்றாம் ஆண்டாக பக்தர்களுக்கு இலவசமாக வழங்கப்பட்டன.



latest tamil news



விநாயகர் சதுர்த்தி, ஹிந்துக்களின் வழிபாட்டு முறை, கொண்டாட்டம் என்பதைக் கடந்து, அதன் பின்னணியில் அறிவியல் இருப்பதையும் நாம் அறிய வேண்டியது அவசியம். பண்டைய காலங்களில், தென்மேற்கு பருவ மழைக்கு முன்னதாக குளம், குட்டை, ஏரிகள் துார்வாரி ஆழப்படுத்தப்பட்டன.

இப்பணியின்போது நீர்நிலைகளின் அடியில் தேங்கியிருந்த களிமண் தோண்டி எடுக்கப்பட்டு கரையில் சேகரித்து வைக்கப்பட்டன. துார்வாரப்பட்டதால் மிக எளிதாக நுண்துளைகளின் வழியே நீர் உள் இறங்கி நிலத்தடி நீரை உயர்த்தியது. குளத்தின் கொள்ளளவு அதிகரித்து மழையின்போது கூடுதல் நீரும் சேகரமானது.

அடுத்த பருவமழை துவங்கும் முன் இடைப்பட்ட நாட்களில், ஏற்கனவே குளத்தில் இருந்து துார்வாரப்பட்டு வெளியே எடுத்து சேகரிக்கப்பட்ட களிமண் மீண்டும் அதே குளத்தில் கரைத்துவிடப்பட்டது. அவை, நீரின் அடியில் தேங்கி நுண்துளைகளை அடைத்து நின்றன. மீண்டும் மழைபொழிந்ததும் குளம் விரைவாக நிரம்பி விவசாயம் செழித்தது; ஊரும் செழித்தது.



மக்கள் பங்கேற்பு




'இந்த பொதுப்பணியில் நீங்களும் வந்து இணைந்துகொள்ளுங்கள்' என அழைப்பு விடுத்தாலும் அவ்வளவாக கிராம மக்கள் திரண்டு வந்து முழுமையான பங்களிப்பினைச் செலுத்தமாட்டார்கள் என கருதி, இதில், ஆன்மிகத்தையும் நம் முன்னோர் புகுத்தினர்.அதாவது, துார்வாரப்பட்ட களிமண்ணை பொதுமக்கள் எடுத்துச் சென்று அவரவர் வீடுகளில் பிள்ளையார் பிடித்து வைத்து, வழிபாட்டிற்குப்பின் மீண்டும் அவற்றை குறிப்பிட்ட நாளில் நீர் நிலைகளில் கரைக்க வேண்டும் என, ஒரு வழிபாட்டு முறையினை உருவாக்கினர்.

மக்களும் அதிகளவில் பக்தி பரவசத்துடன் பங்கெடுத்தனர் என்பதை, வரலாற்றுத்தரவுகளின் வாயிலாக அறிய முடிகிறது.இவ்வாறு துவங்கிய விநாயகர் சதுர்த்தி வழிபாட்டு முறையானது, ஹிந்து மதத்துக்குரியது என்பது மாறி, பின்னாளில் மாற்று மதத்தினரும் ஏற்றுக்கொண்டு வரவேற்பு அளித்தும், மரியாதை செலுத்தியும் வருகின்றனர். இந்நுாற்றாண்டின் இடையிலிருந்து விநாயகர் சதுர்த்தி கொண்டாட்ட முறைகள் காலத்துக்கேற்ப மாறிவிட்டன.

ஆனால், இன்றைய இளைய தலைமுறையினரிடம், விநாயகர் சதுர்த்தி கொண்டாட்டத்தின் நோக்கம், வழிபாட்டு முறைகளை பற்றிய போதிய விழிப்புணர்வு இல்லை. இந்த குறையை களையும் விதமாகவே, வடபழநி கோவிலில் விநாயகர் சிலைகள் இலவசமாக வழங்கப்பட்டுள்ளன.






அனைத்து கோவிலிலும்...




கோவில்களில் பக்தர்களுக்கான வசதிகளை மேம்படுத்தி நிர்வகிப்பது, சொத்துக்களை பாதுகாப்பது என்பதைத் தாண்டி, ஹிந்து தர்மத்தை காப்பதும், அதை ஹிந்துக்களுக்கு எடுத்துரைப்பதும், பாரம்பரியமாக கடைபிடித்துவரும் ஹிந்து வழிபாட்டு முறைகளை புதிய தலைமுறையினருக்கு போதிப்பதும், அறநிலையத்துறையின் பொறுப்பு.

எனவே, தமிழகம் முழுவதுமுள்ள கோவில்களில் விநாயகர் சதுர்த்தியின்போது சிறிய கோவில்களில் ஒரு விநாயகர் சிலை முதல், பெரிய கோவில்களில் ஆயிரம் சிலைகள் வரை பக்தர்களுக்கு இலவசமாக வழங்கலாம்.'ஹிந்துக்களுக்காக இந்த அரசு ஒன்றுமே செய்யவில்லை' என்ற சிலரின் குற்றச்சாட்டை, இதுபோன்ற நடவடிக்கைகளின் வாயிலாகவாவது எதிர்கொள்ளலாம்.

இதுகுறித்து, துறை அதிகாரிகளிடம் ஆலோசனை கேட்கும்பட்சத்தில் யூக நடைமுறைச்சிக்கல்களை காரணம்காட்டி அவர்கள் தவிர்க்கவே செய்வர். அதையும் கடந்துதான் அமல்படுத்த வேண்டும்; செய்வாரா இத்துறையின் அமைச்சர் சேகர்பாபு?
- நமது நிருபர் -

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (7)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
GMM - KA,இந்தியா
01-செப்-202207:57:20 IST Report Abuse
GMM வடபழனி கோவிலில் விநாயகர் சிலை இலவச விநியோகம் முன் பதிவு செய்து, அனைத்து அறநிலைய கோவில்களிலும், மற்றும் கிராம கோவில்களிலும் விரிவு படுத்தலாம். வழிபாட்டிற்கு தேவையான அருகம் புல், பூ... போன்ற அனைத்தும் சேர்த்து பண வசதி படைத்தவர்கள் தானமாக வழங்கலாம். இலவசம் தவிர்க்க அடக்க விலை கூட நிர்ணயிக்கலாம். தமிழக விநாயக சதுர்த்தி விழா மராட்டிய மாநிலம் போல் விரைவில் சிறப்பு பெரும். சுற்றுலா பயணிகள் வருகை அதிகரிக்கும்.
Rate this:
Cancel
01-செப்-202207:53:04 IST Report Abuse
Gopalakrishnan S கோயில் செல்வத்தை ஹஜ் யாத்திரைக்கு கொடுப்பதற்கு பதிலாக இப்படி செய்யலாம் !
Rate this:
Cancel
தியாகு - கன்னியாகுமரி ,இந்தியா
01-செப்-202207:50:14 IST Report Abuse
தியாகு பேனா புஸ்தகங்களை வைத்து வீட்டில் படைத்து சரஸ்வதி சாமி கும்பிட்டால் அது மூட நம்பிக்கை. ஊழல் மூலம் ஆயிரக்கணக்கான கோடிகளை மக்கள் பணத்தில் இருந்து ஆட்டையை போட்டு தனது குடும்பத்திற்கு சொத்து சேர்த்தவருக்கு ஒன்றுக்கும் உதவாத பேனா சிலையை நூறு கோடிகளில் வைத்தால் அது பகுத்தறிவு. இவனுங்களை சொல்லி குற்றமில்லை, தலைமுறை தலைமுறையாக கட்டுமர குடும்பத்திற்கு, திருட்டு திமுகவிற்கு ஓட்டு போடும் தலைமுறை குடும்ப கொத்தடிமை கழக அடாவடி அடிமை உடன்பிறப்புகளையும் அல்லக்கைகளையும் சொல்லணும்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X