போலி ஆவணங்கள் வாயிலாகபல கோடி மோசடி செய்தவர் கைது | சென்னை செய்திகள் | Dinamalar
போலி ஆவணங்கள் வாயிலாகபல கோடி மோசடி செய்தவர் கைது
Added : செப் 25, 2022 | |
Advertisement
 
Latest district News

தாம்பரம்:புறநகரில், போலி ஆவணங்கள் தயார் செய்து, அதன் வாயிலாக பல கோடி ரூபாய் மோசடி செய்து வந்த, 'பலே' கில்லாடியை, தனிப்படை போலீசார் கைது செய்து, சிறையில் அடைத்தனர்.


மேடவாக்கம், பாபு நகர் மூன்றாவது மெயின் ரோட்டை சேர்ந்தவர் ஜெகநாதன், 50. இவர், புறநகர் பகுதியைச் சேர்ந்த சண்முகம் என்பவரிடம், மதுரையில் தனக்கு 60 ஏக்கர் நிலம் இருப்பதாகக் கூறி, கிரைய ஒப்பந்தம் செய்துள்ளார்.பொது அதிகார ஆவணம் கொடுத்து, 65 லட்சம் ரூபாய் பணத்தை பெற்றுக் கொண்டு, நிலத்தை சண்முகத்திற்கு கொடுக்கவில்லை.அந்த நிலத்தை, மூன்றாம் நபர்களுக்கு விற்று விட்டார். இது குறித்து சில நாட்களுக்கு முன், தாம்பரம் போலீஸ் கமிஷனர் அலுவலகத்தில் புகார் அளிக்கப்பட்டது.
இதையடுத்து, தாம்பரம் தனிப்படை போலீசார், தலைமறைவாக இருந்த ஜெகநாதனை நேற்று முன்தினம் கைது செய்தனர்.விசாரணையில், இதேபோல் பலரிடம் மோசடியில் ஈடுபட்டது தெரிந்தது.

கூடுவாஞ்சேரியில், 21 சென்ட் நிலத்தை ராஜாமணி, சுப்பிரமணி என்பவர்களிடம், 1.70 கோடி ரூபாய்க்கு ஜெகநாதன் விலை பேசி வாங்கி உள்ளார்.இதற்கு, 30 லட்சம் ரூபாய் மட்டுமே கொடுத்த ஜெகநாதன், மீதி பணத்தை தராமல் ஏமாற்றியுள்ளார். மேலும், அவர்களுக்கு தெரியாமல், அவர்களது கையெழுத்து இல்லாமல், போலியாக லைப் சர்டிபிகேட்' தயார் செய்துள்ளார்.
அதை வைத்து, அடுக்குமாடி குடியிருப்பு கட்டித் தருவதாக, 20 நபர்களிடம் கூறியுள்ளார். வீட்டுக்காக பதிவு செய்த நபர்களின் பெயரில், வங்கியில் 8 கோடி ரூபாய் வரை வீட்டுக் கடன் பெற்று, கட்டடத்தை முழுமையாக கட்டாமல் ஏமாற்றியுள்ளார்.பல்லாவரத்திலும், இதுபோல் வீடு கட்டி வருவதாக ஏமாற்றியுள்ளதும் தெரிந்தது. இதையடுத்து, தனிப்படை போலீசார் ஜெகநாதனை கைது செய்து, ஆலந்துார் நீதிமன்றத்தில் ஆஜர்படுத்தி சிறையில் அடைத்தனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X