பரம்பிக்குளம் ஷட்டர் புதுப்பிக்கும் பணி ரூ.7 கோடி மதிப்பீட்டில் கருத்துரு | கோயம்புத்தூர் செய்திகள் | Dinamalar
பரம்பிக்குளம் ஷட்டர் புதுப்பிக்கும் பணி ரூ.7 கோடி மதிப்பீட்டில் கருத்துரு
Added : செப் 28, 2022 | |
Advertisement
 



பொள்ளாச்சி : பொள்ளாச்சி, பரம்பிக்குளம் அணையின் ஷட்டர் புதுப்பிக்கும் பணிக்கு, ஏழு கோடி ரூபாய் மதிப்பீடு தயாரிக்கப்பட்டுள்ளது.



பொள்ளாச்சி, பரம்பிக்குளம் அணையில் கடந்த, 20ம் தேதி முன் நள்ளிரவு, 1:30 மணிக்கு சங்கிலி அறுந்து, பக்கவாட்டு சுவருடன் ஷட்டர் கீழே விழுந்தது. 100 மீட்டர் தொலைவில் ஷட்டர் சென்று விழுந்தது.சென்னையில் இருந்து வந்த அணைகள் பாதுகாப்புக் குழுவினர், ஆய்வு மேற்கொண்டு வருகின்றனர். மேலும், ஷட்டர் உள்ளிட்ட உபகரணங்கள் அமைக்க மதிப்பீடு தயாரித்து அரசுக்கு கருத்துரு அனுப்பப்பட்டது.

நீர்வளத்துறை அதிகாரிகள் கூறியதாவது:
பரம்பிக்குளம் அணையில் இருந்து, 17.37 அடி உபரிநீர் வெளியேற்றப்பட்டது. வினாடிக்கு, 4,513 கனஅடி நீர் வெளியேற்றப்படுகிறது. தற்போது, 54.20 அடி நீர்மட்டம் உள்ளது. நீர்மட்டம் குறைவதற்கேற்ப, வெளியேற்றப்படும் நீரின் அளவு குறைக்கப்படுகிறது.சேதமடைந்த ஷட்டருக்கு மாற்றாக, புதிதாக தயாரிக்க மதிப்பீடு தயாரிக்கப்பட்டது. மொத்தம், ஏழு கோடி ரூபாய் மதிப்பீடு தயாரிக்கப்பட்டு அரசுக்கு கருத்துரு அனுப்பப்பட்டுள்ளது.
திருச்சியில் உள்ள நிறுவனத்தில் இருந்து, 35 டன் எடையுள்ள ஷட்டர் மற்றும் தளவாடங்கள் கொண்டு வரப்படுகின்றன. சேதமடைந்த பக்கவாட்டு சுவருக்கு மாற்றாக, இரும்பு துாண் அமைக்கப்படுகிறது. இவை கனரக வாகனங்களில் கொண்டு வரப்பட்டு பணிகள் மேற்கொள்ளப்படும்.
வடகிழக்கு பருவமழை துவங்குவதற்கு முன், பணிகளை முடிக்க திட்டமிட்டுள்ளோம். அரசு உத்தரவு கிடைத்ததும் பணிகளை துவங்க போதுமான ஏற்பாடுகள் மேற்கொள்ளப்படுகிறது.
இவ்வாறு, அவர்கள் தெரிவித்தனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X