Dinamalar

விருதுநகர்--விருதுநகர் மாவட்டத்தில் திறக்கப்பட்ட நோக்கத்தை மறந்து கிராமப்புற சமுதாய கூடங்கள் பல மூடியே கிடக்கின்றன.விருதுநகர் மாவட்டத்தின் 450 ஊராட்சிகளிலும் தேவைக்கேற்ப சமுதாய கூடங்கள் திறக்கப்பட்டது. இவற்றில் பல சேதமடைந்தும், பயன்பாடின்றியும் முடங்கி கிடக்கின்றன. ஏழை எளிய மக்களின் திருமணம் உள்ளிட்ட சுப நிகழ்ச்சிகளை குறைந்த செலவில் நடத்துவதற்காக தான் இந்த சமுதாய கூடங்கள் அமைக்கப்பட்டன. இவை தவிர அரசின் தடுப்பூசி முகாம்கள் நடத்தவும் பயன்படுத்தப்பட்டு வந்தன.இந்நிலையில் இவை சமீப காலமாக பயன்பாட்டில் இல்லாமல் உள்ளன. எதற்காக இந்த திட்டங்கள் துவங்கப்பட்டதோ அதற்கான நோக்கம் நிறைவேறாமல் உள்ளது. பொதுமக்களும் இடவசதி உள்ளிட்ட காரணங்களுக்காக தனியார் மண்டபங்களுக்கு செல்ல துவங்கி உள்ளதாலும், நகர்ப்புற மண்டபங்களுக்கு செல்வதாலும் சமுதாய கூடங்கள் பாழாகி வருகின்றன. சில சமுதாய கூடங்கள் பழசாகி சிதிலமடைந்துள்ளன.தேவைப்படும் இடங்களில் சமுதாய கூடங்களை முறையாக செயல்படுத்தவும், பயன்பாடற்ற இடங்களில் முடங்கி கிடப்பதற்கு பதிலாக மற்ற அரசின் தேவைகளுக்கு பயன்படுத்தலாம். சிதிலமடைந்த சமுதாய கூடங்களை சீரமைக்கவும் செய்ய வேண்டும்.

• 1. குறைந்த கட்டணத்தில் புற்றுநோய் குணப்படுத்தக்கூடியதே...
• 2. பார்ப்போரை முகம்சுளிக்க வைக்கும் போஸ்டர்கள்; நகரின் அழகை அலங்கோலப்படுத்தும் அவலம்
• 3. மகள் திருமணத்தன்று இறந்த தந்தை
• 4. குறைகளை கூறுவோம், தீர்வு காண்போம் பகுதிக்காக...
• 5. மாற்றுத்திறனாளிகள் ஆர்ப்பாட்டம்
• 6. சிறுதானியங்கள் கருத்தரங்கம்
• 7. பிப்.7ல் மாற்றுத்திறனாளிகுறைதீர் கூட்டம்
• 8. பழநியில் திரண்ட பக்தர்கள் வாகனங்களால் போக்குவரத்து நெரிசல்
• 9. பள்ளியில் பயிலரங்கம்
• 10. திண்டுக்கல்லில் 2வது நாளாக மழை