சேலம் பசுமை வழி சாலை, 8 வழி சாலை அல்ல! | ஈரோடு செய்திகள் | Dinamalar
சேலம் பசுமை வழி சாலை, 8 வழி சாலை அல்ல!
Added : செப் 29, 2022 | |
Advertisement
 



ஈரோடு : ''சேலம் பசுமை சாலை, எட்டு வழிச்சாலை அல்ல. உச்சநீதிமன்றத்திலேயே, கடந்த அரசு, 6 வழிச்சாலை என 'அபிடவிட்' தாக்கல் செய்துள்ளது. அங்கு சாலை அமைப்பது மாநில அரசுடையது அல்ல. மத்திய அரசின் பணி. அதற்கான முடிவுகளை அவர்கள்தான் எடுப்பர்,'' என, என, அமைச்சர் வேலு தெரிவித்தார்.



ஈரோட்டில் சாலை பாதுகாப்பு குழு ஆய்வுக்கூட்டம், கலெக்டர் கிருஷ்ணனுண்ணி தலைமையில் நடந்தது. வீட்டு வசதித்துறை அமைச்சர் முத்துசாமி, செய்தித்துறை அமைச்சர் சாமிநாதன் ஆகியோர் முன்னிலை வகித்தனர். பொதுப்பணித்துறை மற்றும் நெடுஞ்சாலை துறை அமைச்சர் வேலு, நிருபர்களிடம் கூறியதாவது:

ஈரோடு மாவட்டத்தில், சாலை விபத்து அதிகம் நடக்கிறது. அதற்காகத்தான் சாலை பாதுகாப்பு கூட்டத்தை நடத்தி, தெரிவிக்கப்படும் கருத்துக்களை அனுப்ப கலெக்டரை கேட்டுள்ளோம்.பரனுார் விமான நிலையம் தொடர்பாக, அரசு சார்பில் காஞ்சிபுரம் கலெக்டர் அலுவலகத்தில் நானும், அமைச்சர்கள் தங்கம் தென்னரசு, அன்பரசு ஆகியோர், 13 பஞ்., மக்களிடம் குறைகளை கேட்டோம். அதில், அரசின் நில மதிப்பீட்டை எடுக்காமல், வெளிச்சந்தை மதிப்பீட்டை போல, மூன்றரை மடங்கு பணம் தரப்படும்.
வீட்டுக்கு ஒரு படித்த பட்டதாரிக்கு அரசு பரிந்துரையுடன் வேலை வாய்ப்பு உருவாக்கி தரப்படும். விமான நிலையத்துக்கு அருகே ஒரே இடத்தில் அனைவரும் வசிக்க வீட்டுக்கு நிலம், வீடு கட்ட பணமும் தரப்படும் என, தெரிவித்துள்ளோம். அவர்களை சமாதானம் செய்துதான் முடிவு எடுப்போம்.
சேலம் பசுமை சாலை, எட்டு வழிச்சாலை அல்ல. உச்சநீதிமன்றத்திலேயே, கடந்த அரசு, 6 வழிச்சாலை என 'அபிடவிட்' தாக்கல் செய்துள்ளது. அங்கு சாலை அமைப்பது மாநில அரசுடையது அல்ல. மத்திய அரசின் பணி. அதற்கான முடிவுகளை அவர்கள்தான் எடுப்பர்.
நெடுஞ்சாலை துறை பணியாளர்களுக்கு, சமூக பிரிவு அடிப்படையில் பதவி உயர்வு வழங்கக்கூடாது என, நீதிமன்றம் கூறி உள்ளது. அதற்கான துறையினர், அரசு வக்கீலை அழைத்து, பேசி விரைவில் தீர்வு காண்போம்.
இவ்வாறு, அவர் கூறினார்.
எம்.பி.,க்கள் கணேசமூர்த்தி, அந்தியூர் செல்வராஜ், எம்.எல்.ஏ.,க்கள் ஏ.ஜி.வெங்கடாசலம், சரஸ்வதி, மேயர் நாகரத்தினம், துணை மேயர் செல்வராஜ் உட்பட பலர் பங்கேற்றனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் ஈரோடு கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X