Dinamalar

திருநெல்வேலி மாவட்டம் நாங்குநேரி அருகே தளபதி சமுத்திரம் கீழூரை சேர்ந்தவர் பன்னீர்செல்வம் 41. 2011ல் மேகாலயா மாநிலம் துாரா எல்லை பாதுகாப்பு படையில் வீரராக பணியாற்றினார். 2011 ஏப்ரலில் விடுமுறையில் வந்தவர் அங்கிருந்து அனுமதியின்றி இன்சாஸ் வகை துப்பாக்கியையும் தோட்டாக்களையும் எடுத்து வந்து விட்டார்.

2011 மே 2ல் நாங்குநேரியை சேர்ந்த தாயப்பன் என்பவருடன் சேர்ந்து கொண்டு முகமூடி அணிந்து, அதே பகுதியில் உள்ள தொடக்க வேளாண்மை கூட்டுறவு வங்கிக்குள் சென்று கொள்ளையடிக்க முயற்சித்தனர். தடுத்த வங்கி ஊழியர் சண்முக சங்கரை துப்பாக்கியால் சுட்டார். கிளார்க் ராஜாவிற்கும் காயம் ஏற்பட்டது. பன்னீர்செல்வம் உட்பட இருவரையும் ஏர்வாடி போலீசார் கைது செய்தனர்.
இந்நிலையில் தாயப்பன் உடல் நலம் பாதித்து இறந்து விட்டார். வழக்கு நாங்குநேரி கூடுதல் அமர்வு கோர்ட்டில் நடந்தது. நீதிபதி ராமதாஸ், பன்னீர் செல்வத்திற்கு 7 ஆண்டு சிறைத் தண்டனையும் ரூ.12 ஆயிரம் அபராதமும் விதித்து தீர்ப்பளித்தார்.