Dinamalar

ராஜபாளையம் மணிநகரில் வசிக்கும் கிருஷ்ணன் தம்பதியை திருநெல்வேலியை சேர்ந்த உறவினர் பாலக்குமார், அவரது மனைவி கீதா அணுகினர்.கடன் சுமையால் தத்தளிப்பதாகவும், அவரது வீட்டை பெயரளவுக்கு கிரையம் செய்து கொடுத்தால், அதை வங்கியில் அடமானம் வைத்து கடனை அடைத்து விடுவதாகவும் கூறினர்.அவ்வாறு கிருஷ்ணன் செய்தார்.

அவரின் மனைவி பெயரிலான அந்த வீட்டை அடமானம் வைத்து, 27 லட்சம் ரூபாய் கடன் பெற்று, அதில், 10 லட்சம் ரூபாயை மட்டும் கிருஷ்ணனிடம் கொடுத்து, வீட்டை அபகரித்து விட்டனர். தாமதமாக இதுகுறித்து அறிந்த கிருஷ்ணன் அதிர்ச்சி அடைந்து போலீசில் புகார் செய்தார். பாலக்குமார், கீதா மீது குற்ற பிரிவு போலீசார் வழக்கு பதிந்து விசாரிக்கின்றனர்.