எண்ணும் எழுத்தும் 2ம் கட்ட பயிற்சி துவக்கம்: கல்வித்துறை சுறுசுறுப்பு | திருப்பூர் செய்திகள் | Dinamalar
எண்ணும் எழுத்தும் 2ம் கட்ட பயிற்சி துவக்கம்: கல்வித்துறை சுறுசுறுப்பு
Added : அக் 01, 2022 | |
Advertisement
 

திருப்பூர்:திருமூர்த்தி நகர், மாவட்ட ஆசிரியர் கல்வி மற்றும் பயிற்சி நிறுவனம் சார்பில், இரண்டாம் கட்ட எண்ணும் எழுத்தும் மூன்று நாள் பயிற்சி துவங்கியுள்ளது.திருப்பூர், வீரபாண்டி பிரிவு, காந்தி வித்யாலயம் பள்ளியில், 27ம் தேதி முதல், 29ம் தேதி வரை கருத்தாளர்களுக்கான பயிற்சி நடந்தது. ஒரு பாடத்துக்கு, 72 பேர் வீதம் மொத்தம், 216 பேர் பங்கேற்றனர்.பயிற்சி நிறுவன முதல்வர் சங்கர், மாவட்ட முதன்மைக்கல்வி அலுவலர் திருவளர்ச்செல்வி பயிற்சியை துவக்கி வைத்தனர். முதல் நாள் தமிழ், அடுத்தடுத்த நாள் முறையே ஆங்கிலம் மற்றும் கணிதம் குறித்து பயிற்சி வழங்கப்பட்டது.


எண்ணும் எழுத்தும் திட்டத்தின் அவசியம், துணைக்கருவி தயாரிப்பது, முதல் மற்றும் இரண்டாம் பருவத்துக்குரிய வேறுபாடு, ஆசிரியர் கையேடு, மாணவருக்கான பயிற்சிப் புத்தகம், புதிதாக அறிமுகம் செய்யப்பட்டுள்ள குறியீடு, மதிப்பீட்டு செயல்பாடு உள்ளிட்டவை குறித்து ஆசிரியர்களுக்கு விளக்கப்பட்டது.பயிற்சி நிறுவனக் கல்வியாளர்கள் விமலாதேவி, பாபி இந்திரா, சுப்பிரமணி, சரவணகுமார் ஆகியோர் பயிற்சி குறித்து விளக்கி பேசினர். அக்., 10 முதல், 12 வரை ஊராட்சி அளவில் துவக்கப்பள்ளி ஆசிரியர்களுக்கு பயிற்சி முகாம் நடக்கவுள்ளது.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X