Dinamalar

தண்டையார்பேட்டை, கருணாநிதி நகர் 4வது தெருவைச் சேர்ந்தவர் ஜேம்ஸ்பால் மனைவி புவனா, 37.இவர், எட்டு மாதங்களுக்கு முன், ஜான்சன் என்பவர் மூலம், அரபு நாடுகளில் ஒன்றான குவைத் நாட்டிற்கு வேலைக்கு சென்றார்.
இந்த நிலையில் புவனா திடீரென கணவர் குடும்பத்தாருக்கு கண்ணீருடன் வீடியோ அனுப்பியுள்ளார். அதில் '20 மணி நேரம் தொடர்ந்து வேலை வாங்குவதாகவும், அடித்து அவமானப்படுத்தி கழிப்பறையில் அடைத்து வைத்து கொடுமைப்படுத்துவதாகவும்' கூறிஉள்ளார்.

இதையடுத்து ஜேம்ஸ் பால் 'எய்ம்ஸ்' எனும் தனியார் தொண்டு நிறுவனத்தை உதவிக்கு நாடினார். அந்த நிறுவனத்தின் தலைமை செயல் அதிகாரி கணியாபாபு, இந்திய துாதரக அதிகாரிகளிடம் புவனா குறித்து கூறியுள்ளார்.அதற்கு அந்த அதிகாரிகள் 'புவனா அங்கிருந்து தப்பித்து எங்களின் துாதரகத்திற்கு வந்தால் காப்பாற்றி தாய் நாட்டிற்கு அனுப்பி வைக்கலாம்' எனக் கூறியுள்ளார்.மனைவியை மீட்டுத்தரக்கோரி ஜேம்ஸ் பால் தமிழக அரசுக்கு வேண்டுகோள் விடுத்துள்ளார்.