நிரம்பி வழிந்தும் திறக்கப்படாத தேர்வாய்கண்டிகை ஏரி திருப்தி! குடிநீர் பற்றாக்குறையின் போது பயன்படுத்த திட்டம்
Added : நவ 22, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News

சென்னை :சென்னையின் குடிநீர் தேவைக்காக திருவள்ளூர் மாவட்டம் தேர்வாய் கண்டிகையில், ௩௯௦ கோடி ரூபாய் மதிப்பில் நீர்த்தேக்கம் கட்டப்பட்டது. பொதுமக்கள் பயன்பாட்டுக்கு அர்ப்பணித்து இரண்டு ஆண்டுகள் ஆகியும், சென்னைக்கு குடிநீர் தேவை இல்லாததால், இந்த ஏரி தண்ணீரை வாரியம் பயன்படுத்த முடியாத சூழல் உள்ளது.

திருவள்ளூர் மாவட்டத்தில் உள்ள புழல், பூண்டி, சோழவரம், செம்பரம்பாக்கம் ஏரிகள் வாயிலாக, சென்னையின் குடிநீர் தேவை பூர்த்தி செய்யப்படுகிறது.

சென்னைக்கு ஒரு மாதத்திற்கு, ௧ டி.எம்.சி., குடிநீர் தேவைப்படுகிறது. விரிவாக்கப் பகுதிகளால், சென்னையின் குடிநீர் தேவை, சில ஆண்டுகளில் இரண்டு மடங்கு அதிகரிக்க வாய்ப்புள்ளது.

இதை கருத்தில் கொண்டு கூடுதல் நீராதாரங்களை உருவாக்கும் முயற்சி, அ.தி.மு.க., ஆட்சியில் மேற்கொள்ளப்பட்டது. இதையடுத்து, மறைந்த முன்னாள் முதல்வர் ஜெயலலிதாவின் கனவுத் திட்டமாக, தேர்வாய் கண்டிகை நீர்த்தேக்க திட்டம் அமைந்தது.

இதற்காக அவர், 390 கோடி ரூபாயை ஒதுக்கீடு, நீர்த்தேக்கப் பணிகளை துவக்கி வைத்தார். அவரது மறைவிற்குப் பிறகு, இதற்கான பணிகளில் தொய்வு ஏற்பட்டது. நீண்ட இழுபறிக்குப் பிறகு, முன்னாள் முதல்வர் பழனிசாமி தலைமையிலான அரசு, இத்திட்டத்தை நிறைவு செய்தது.

மத்திய உள்துறை அமைச்சர் அமித் ஷா, கடந்த 2020 நவ., 21ம் தேதி, தேர்வாய் கண்டிகை நீர்த்தேக்க திட்டத்தை, பொதுமக்கள் பயன்பாட்டிற்கு அர்ப்பணித்தார். இது, ௫௦ கோடி கன அடி கொள்ளளவு உடையது.

தேர்வாய் கண்டிகை ஏரியில் இருந்து, பூண்டி ஏரிக்கு குழாய் அமைத்து நீரை எடுத்துச் சென்று, அங்கிருந்து கால்வாய் வாயிலாக சென்னைக்கு அனுப்பும் வகையில் இந்த திட்டம் வடிவமைக்கப்பட்டு உள்ளது.ஆனால், இரண்டு ஆண்டுகள் ஆகியும், ஒரு சொட்டு நீரைக் கூட பூண்டி ஏரிக்கு, சென்னை குடிநீர் வாரியம் அனுப்பவில்லை. காரணம், சென்னைக்கு தேவையான குடிநீர் தற்போது போதுமான அளவுக்கு உள்ளது.

புழல் ஏரியிலும் போதுமான கொள்ளளவு நீர் இருப்பதால், தேர்வாய் கண்டிகை ஏரி நீரை திறந்து விடவில்லை என கூறப்பட்டுள்ளது.தற்போது தேர்வாய்கண்டிகை ஏரியில், ௫௦ கோடி கன அடி நீர் இருப்பு உள்ளது. நீர் வரத்து, ௧௦ அடியாக உள்ளது. உபரி நீர் வெளியேற்றம் இல்லை.

இதுகுறித்து, நீர்வளத்துறை அதிகாரிகள் கூறுகையில்,'சென்னைக்கு குடிநீர் வழங்கும் மற்ற அனைத்து குடிநீர் ஏரிகளிலும் போதுமான அளவுக்கு நீர் இருப்பு உள்ளது.இதனால் தான், பூண்டி ஏரிக்கு தண்ணீரை அனுப்ப வேண்டிய அவசியம் ஏற்படவில்லை. வறட்சிக் காலங்களில் மட்டுமே, இந்த ஏரியிலுள்ள நீர், சென்னையின் குடிநீர் தேவைக்கு பயன்படுத்தப்படும்' என்றனர்.



கண்காணிப்பில் உள்ளன.

- குடிநீர் வாரிய அதிகாரிகள்




 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X