Dinamalar

நிலவுக்கு மனிதனை அனுப்பும் விண்கலம் செலுத்துவதற்கு முன் பல சோதனை ராக்கெட்டுகள் செலுத்த வேண்டியுள்ளது. சுகன்யான் ராக்கெட்டில் செல்லும் மனிதர்களின் பாதுகாப்பை கவனிக்க வேண்டியுள்ளது. இது தொடர்பான சோதனைகள் நடைபெற்று வருகிறது. விண்ணில் செல்லும் போது ஏதாவது பழுதுகள் ஏற்பட்டால் உடனடியாக அவர்கள் ராக்கெட்டில் இருந்து பிரிந்து பூமியில் இறங்கும் வகையில் சோதனைகள் நடத்தப்பட வேண்டியுள்ளது. ரோபோ மூலம் இந்த பாதுகாப்பு உறுதி செய்யப்படும். \
சூரியனை ஆய்வு செய்யும் ஆதித்யா எல்.ஒன். விண்கலம் அடுத்த ஆண்டு விண்ணில் செலுத்தப்படும். துாத்துக்குடிமாவட்டம் குலசேகரப்பட்டணத்தில் ராக்கெட் ஏவுதளம் அமைப்பதற்காக நில ஆர்ஜித பணிகள் முடிந்துள்ளது. மண் உறுதித்தன்மை பரிசோதிக்கப்பட்ட பின்னர் கட்டுமான பணிகள் தொடங்கும். கன்னியாகுமரியில் இஸ்ரோவின் அருங்காட்சியகம் அமைக்க மாநில அரசு நிலம் வழங்கியுள்ள நிலையில் விரைவில் பணிகள் தொடங்கும் என்றார்.