Dinamalar

புதுச்சேரி-அரசின் எச்சரிக்கையை மீறி, அமைச்சக ஊழியர்களின் கூட்டுப்போராட்டக் குழுவினர் நேற்று ஒரு நாள் ஒட்டுமொத்த விடுப்பு எடுத்து தர்ணா போராட்டத்தில் ஈடுபட்டனர்.

அமைச்சக உதவியாளர் பணியை நேரடி நியமனம் மூலம் நிரப்புவதை கைவிடவேண்டும். 100 சதவீதம் பணி மூப்பு அடிப்படையில் பதவி உயர்வு வழங்க வேண்டும் என்பதை வலியுறுத்தி அமைச்சக ஊழியர்களின் கூட்டுப்போராட்டக்குழு பல்வேறு போராட்டங்களை நடத்தி வருகின்றனர்.

இதன் ஒரு பகுதியாக நேற்று ஊழியர்கள் ஒட்டு மொத்தமாக ஒரு நாள் விடுப்பு எடுத்து தர்ணா நடத்தப்படும் என அறிவித்தனர்.

ஒட்டுமொத்த விடுப்பு எடுத்தால் ஊழியர்கள் மீது ஒழுங்கு நடவடிக்கை எடுக்கப்படும் என அரசு சார்பு செயலர் நேற்று முன்தினம் எச்சரித்திருந்தார்.

ஆனால், அமைச்சக ஊழியர்களின் கூட்டுப்போராட்டக் குழுவினர் அரசின் உத்தரவை மீறி, ஏற்கனவே அறிவித்தபடி நேற்று ஒரு நாள் ஒட்டுமொத்த விடுப்பு எடுத்து தர்ணா போராட்டத்தில் ஈடுபட்டனர்.

சட்டசபை அருகே, ஜென்மராகினி ஆலயம் எதிரில் நடந்த தர்ணா போராட்டத்திற்கு சேஷாசலம் தலைமை தாங்கினார். முருகவேல் வரவேற்றார். பரசுராமன், பிரபாகரன் முன்னிலை வகித்தனர். செல்வம், பிரின்ஸ் அருள்தாஸ் ஆகியோர் வாழ்த்திப் பேசினர்.

செந்தில்குமார், சிவக்குமார், மணிகண்டன், சக்கரவர்த்தி, ராமமூர்த்தி, இளமுருகன் மற்றும் அன்பரசன் ஆகியோர் கோரிக்கைகளை வலியுறுத்தி பேசினர். ஆனந்தரசன், கோவிந்தராஜ் சிறப்புரையாற்றினர்.

விஜயக்குமார் நன்றி கூறினார்.

• 1. விழுப்புரம் மாவட்டத்தில் வைக்கோல் வர்த்தகம் ' ஜோர் '; கிருஷ்ணகிரிக்கு 200 டன் அனுப்பி வைப்பு
• 2. திருத்துறையூர் கோவிலில் தினகரன் சாமி தரிசனம்
• 3. அண்ணாமலை பல்கலை மாணவர்களுக்கு வாய்ப்பு
• 4. ஊராட்சி துணைத் தலைவி மகன் கொலை வழக்கு; நான்கு பேரிடம் போலீசார் தீவிர விசாரணை
• 5. ரயில் முன் பாய்ந்து மெக்கானிக் தற்கொலை
• 6. மயிலம் முருகன் கோவிலில் இன்று பங்குனி உத்திர கொடியேற்றறம்
• 7. ஓட்டுக்காக வதந்தி பரப்புகின்றனர்: அமைச்சர் பன்னீர்செல்வம் காட்டம்
• 8. சிறுமி பாலியல் பலாத்காரம்; வாலிபர் 'போக்சோ'வில் கைது
• 9. பட்டா மாற்றத்திற்கு ரூ.10 ஆயிரம் லஞ்சம்; இடைத்தரகர் கைது: வி.ஏ.ஓ., 'எஸ்கேப்'
• 10. விபத்தில் சிக்கியோருக்கு உதவிய மயிலம் எம்.எல்.ஏ.,