காட்டுமன்னார்கோவிலில் நீர்நிலை ஆக்கிரமிப்புகள் அகற்றப்படுமா: ஐகோர்ட் உத்தரவிட்டும் அதிகாரிகள் அலட்சியம்
Added : நவ 24, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News

காட்டுமன்னார்கோவில் -காட்டுமன்னார்கோவில் மற்றும் சுற்றியுள்ள பகுதிகளில் நீர்நிலை ஆக்கிரமிப்புகள் அதிகரித்துள்ள நிலையில், கோர்ட் உத்தரவிட்டும் அதிகாரிகள் அலட்சியம் காட்டி வருவதால், அப்பகுதி மக்கள் மழைக்காலங்களில் பாதிக்கப்பட்டு வருகின்றனர்.

தமிழகத்தில் மழைக்காலங்களில் ஏற்படும் பாதிப்புகளை கருத்தில் கொண்டு, நீர்நிலை ஆக்கிரமிப்புகளை அகற்ற நடவடிக்கை எடுக்குமாறு, சென்னை ஐகோர்ட் உத்தரவிட்டது. அதன்படி, தமிழகம் முழுவதும் நீர்நிலை ஆக்கிரமிப்புகளை அரசு அதிரடியாக அகற்றி வருகிறது.

கடலுார் மாவட்டத்தில் கடலுார், விருத்தாசலம், சிதம்பரம், பண்ருட்டி, திட்டக்குடி உள்ளிட்ட பல்வேறு பகுதிகளில் நீர்நிலை ஆக்கிரமிப்புகள் அகற்றப்பட்டு வருகிறது. பல ஆண்டுகளாக ஆக்கிரமித்து கட்டப்பட்டிருந்த கட்டடங்கள் இடித்து அகற்றப்பட்டது.

குறிப்பாக, சிதம்பரத்தில் அடுக்குமாடி கட்டடங்களை கூட இடித்து அகற்றிவிட்டு அந்த இடம் மீண்டும் குளமாக மாற்றப்பட்டது. சிதம்பரம் நகரத்தில் மட்டும் ஆக்கிரமிப்பில் இருந்த 6க்கும் மேற்பட்ட குளங்கள் மீட்கப்பட்டன. அந்தந்த பகுதி உள்ளாட்சி அமைப்புகளுடன் இணைந்து, வருவாய் மற்றும் பொதுப்பணித்துறை எடுத்த அதிரடி நடவடிக்கைகள், நீர்நிலைகளை பாதுகாக்க எடுக்கப்பட்ட நடவடிக்கையாக பாராட்டை பெற்றது.

அதேசமயம், ஒவ்வொரு ஆண்டும் வெள்ள பாதிப்புகளை அதிகம் சந்திக்கும் காவிரியின் கடைமடையான காட்டுமன்னார்கோவில் பகுதிகளில் நீர்நிலை ஆக்கிரமிப்புகளை அகற்றுவதற்கு அதிகாரிகள் ஆர்வம் காட்டவில்லை.

மாவட்டத்தின் கடைகோடி பகுதியான காட்டுமன்னார்கோவில் பகுதி தான் விவசாயிகளின் உயிர்நாடியாக விளங்கி வருகிறது. விவசாயம் மட்டுமே இங்கு பிரதான தொழிலாக இருப்பதால் வாய்க்கால், ஏரி, குளங்கள் அதிகம் உள்ளது. அவை பெரும்பாலும் ஆக்கிரமிப்பில் இருப்பதால், மழைக்காலங்களில் தண்ணீர் வடிய வழியில்லாமல் பொதுமக்கள் மற்றும் விவசாயிகள் பாதிக்கப்பட்டு வருகின்றனர்.

குறிப்பாக, காட்டுமன்னார்கோவில் பேரூராட்சிக்குட்பட்ட நகரப் பகுதி முழுவதும் ஆக்கிரமிப்பின் பிடியில் சிக்கியுள்ளது. வடிகால் வாய்க்கால்கள் மற்றும் பாசன வாய்க்கால்கள் ஆக்கிரமிப்பில் உள்ள நிலையில், நகரில் பல இடங்களில் குளங்களையும் ஆக்கிரமிப்பாளர்கள் விட்டு வைக்கவில்லை. சில இடங்களில் குளம் இருந்ததற்கான தடயமே இல்லை எனவும் கூறப்படுகிறது.

ஐகோர்ட் உத்தரவிட்டும், அந்த உத்தரவை வருவாய்த் துறை, பொதுப்பணித் துறை மற்றும் காட்டுமன்னார்கோவில், லால்பேட்டை பேரூராட்சி நிர்வாகம் என யாருமே அக்கறை காட்டாமல் அலட்சியம் காட்டி வருகின்றனர். எனவே, கடலுார் மாவட்டம் நிர்வாகம் உடனடியாக காட்டுமன்னார்கோவில் மற்றும் சுற்றுவட்டார பகுதிகளில் நீர்நிலை ஆக்கிரமிப்புகளை கண்டறிந்து உடனடியாக அகற்ற நடவடிக்கை எடுக்க வேண்டும் என சமூக ஆர்வலர்கள் மற்றும் விவசாயிகள் எதிர்பார்க்கின்றனர்.

இதே நிலை தொடரும் பட்சத்தில், நீதிமன்றத்தில் முறையிடவும், சமூக அமைப்புகள் தயாராகி வருகின்றன.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X