Dinamalar

ஆத்துார்: சேலம் கிழக்கு மாவட்ட தி.மு.க., பொது உறுப்பினர் கூட்டம், வரும், 25 மாலை, 4:00 மணிக்கு, வாழப்பாடியில் உள்ள வாழப்பாடியார் திருமண மண்டபத்தில் நடக்கவிருந்தது. சில தவிர்க்க முடியாத காரணத்தால், அந்த கூட்டம், ஆத்துார், அம்மம்பாளையத்தில் உள்ள கொங்கு திருமண மண்டபத்துக்கு இடமாற்றப்பட்டுள்ளது. கிழக்கு மாவட்ட நிர்வாகிகள் தவறாமல் பங்கேற்க, மாவட்ட செயலர் சிவலிங்கம் கேட்டுக்கொண்டுள்ளார்.
சேலம்: தி.மு.க.,வின், சேலம் எம்.பி., பார்த்திபன் அறிக்கை: ஓமலுார் கிழக்கு ஒன்றியத்தில், நவ., 24(இன்று) காலை, 8:00 மணி முதல் மக்களிடம் மனுக்கள் பெறப்படுகின்றன. புளியம்பட்டி, கோட்டமேட்டுப்பட்டி, எட்டிகுட்டப்பட்டி, சங்கீதப்பட்டி, கொல்லப்பட்டி, மூங்கில்பாடி, கோட்டகவுண்டம்பட்டி, செல்லப்பிள்ளைகுட்டை, கோட்டை மாரியம்மன் கோவில், பச்சினம்பட்டி, திண்டமங்கலம் ஆகிய ஊராட்சிகளில், அந்தந்த ஊராட்சி அலுவலகம் முன்பும், ஓமலுார் டவுன் பஞ்சாயத்திலும், சம்பந்தப்பட்ட துறை அதிகாரிகளுடன், மனுக்களை பெறுகிறேன். மக்கள், குறைகளை மனுவாக அளித்து பயன்படுத்திக்கொள்ளலாம்.
ஆத்துார்: ஆத்துார் கோட்ட மின்வாரிய செயற்பொறியாளர் அர்ச்சுணன் அறிக்கை: ஆத்துார் கோட்ட இயக்கம், பராமரிப்பு, செயற்பொறியாளர் அலுவலகத்தில், நவ., 25(நாளை) காலை, 11:00 மணிக்கு மின் நுகர்வோர் குறைதீர்க்கும் கூட்டம் நடக்க உள்ளது. அதில் சேலம் மேற்பார்வை பொறியாளர், குறைகளை கேட்கிறார். ஆத்துார் கோட்ட நுகர்வோர், மின்சாரம் தொடர்பான குறைகளை தெரிவித்து பயன்பெறலாம்.
சேலம்: சேலம், குமாரசாமிப்பட்டியில் உள்ள நகர்புற ஆரம்ப சுகாதார நிலையத்தில், தேசிய தர உறுதி சான்றிதழ் வழங்குவதற்கான ஆய்வு நேற்று நடந்தது.
சேலம்: நாடாளும் மக்கள் கட்சியின் மூன்றாம் ஆண்டு தொடக்க விழா, மாநில பொதுக்குழு கூட்டம், சேலத்தில் நேற்று நடந்தது. கட்சி நிறுவன தலைவர் செல்வராசு தலைமை வகித்தார். அதில் ஆத்துாரை தனி மாவட்டமாக அறிவித்தல்; பழங்குடியின மாணவர்களுக்கு விண்ணப்பித்த, 3 மாதங்களில் ஜாதிச்சான்றிதழ் வழங்குதல்; ஏற்காடு, கருமந்துறை மக்களுக்கு மருத்துவம், குடிநீர், சாலை உள்ளிட்ட அடிப்படை வசதிகள் நிறைவேற்ற வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. முன்னதாக கலெக்டர் அலுவலகத்தில் இருந்து ஊர்வலமாக சென்று, திருவள்ளுவர் சிலைக்கு மாலை அணிவித்து மரியாதை செலுத்தினர்.
கெங்கவல்லி: கெங்கவல்லி ஒன்றிய அலுவலகத்தில் கவுன்சிலர் கூட்டம் நேற்று நடந்தது. ஒன்றிய குழு தலைவர் பிரியா தலைமை வகித்தார். அதில் குடிநீர் குழாய்
சீரமைப்பு உள்பட, 20 தீர்மானங்கள் நிறைவேற்றப்பட்டன. துணைத் தலைவர் விஜேந்திரன், பி.டி.ஓ.,க்கள் குணசேகரன், தாமரைச்செல்வி
உள்பட பலர் பங்கேற்றனர்.
நங்கவள்ளி: நங்கவள்ளி ஒன்றியத்தில் மத்திய அரசின், 'ஜல் ஜீவன் மிஷன்' திட்டத்தில், 366 கிராமங்களில், 22 கோடி ரூபாய் திட்ட மதிப்பில், 28 ஆயிரத்து, 787 பயனாளிகளுக்கு பாதுகாக்கப்பட்ட குடிநீர் வழங்க, குடிநீர் இணைப்பு வழங்கும் பணி நடந்து வருகிறது. அதன்படி ஆவடத்துார், சூரப்பள்ளி கிராமங்களில், 80 சதவீத பணி நிறைவடைந்துள்ளது. கோனுாரில் விரைவில் இத்திட்டம் தொடங்கப்பட உள்ளது.

 

• 1.விவசாயிகளுக்கு சிறுதானியம் உற்பத்தியை பெருக்குதல் குறித்து பயிற்சி
• 2. 10 வாகனங்கள் பறிமுதல்
• 3. ரூ.26 லட்சம் ஒப்படைப்பை தவிர்க்க மக்கள் பங்களிப்புடன் 'நமக்கு நாமே'
• 4. மருத்துவ மாணவர் 6 பேருக்கு 'கொரோனா'
• 5. 'மோசடி' நிறுவனத்தில் முதலீடு பாதிக்கப்பட்டோர் புகார் தரலாம்
• 6. 'பிடிவாரன்ட்' பிறப்பிப்பு போலி மருத்துவர் கைது
• 7. பெரியார் பல்கலை முறைகேடு? அறிக்கை சமர்ப்பிக்க அவகாசம்
• 8. ரூ.20.85 லட்சத்துக்கு 538 வாகனங்கள் ஏலம்
• 9. சேலம் வரும் பழனிசாமியை வரவேற்க மாநகர் மாவட்ட செயலர் ஆலோசனை
• 10. 'இருப்பு' வைக்க முடியாமல் வீணாகும் 3ம் ரக தக்காளி