'மாணவ, மாணவியர் வாகனம் ஓட்டினால் பெற்றோர், உரிமையாளர் மீது வழக்குப்பதிவு'
Added : நவ 24, 2022 | |
Advertisement
 
 
 
Advertisement
Advertisement
dinamalar advertisement tariff
 

சேலம்: சேலத்தில் பள்ளி, கல்லுாரி மாணவ, மாணவியரில், அங்கீகாரம் பெறாத வயதுக்கு குறைவானவர்கள் வாகனம் ஓட்டினால் பெற்றோர், வாகன உரிமையாளர் மீது வழக்குப்பதிவு செய்யப்படும் என எச்சரிக்கப்பட்டுள்ளது.
இதுகுறித்து, வடக்கு சரக துணை கமிஷனர் மாடசாமி, நேற்று நிருபர்களிடம் கூறியதாவது:சாலை விதிகளை மீறுவோருக்கு விதிக்கப்படும் அபராதத்தொகை அதிகரிப்பு திட்டம் படிப்படியாக சேலத்தில் அமல்படுத்தப்பட்டு வருகிறது. இதுகுறித்த விழிப்புணர்வை வாகன ஓட்டிகள் இடையே ஏற்படுத்த, நவ., 23(நேற்று) முதல், 3 நாளுக்கு, சேலத்தில், 16 இடங்களில் வாகனங்கள் நிறுத்தப்பட்டு, விழிப்புணர்வு செய்யப்பட்டு வருகிறது.
அதிக அளவில் விபத்து நடக்கும் இடங்களாக கண்டறியப்பட்ட, 75 இடங்களில் சட்டம் ஒழுங்கு போலீசாருடன், போக்குவரத்து பிரிவு போலீசார் இணைந்து சோதனை நடத்தி அபராதம் விதிப்பு, வாகனங்கள் பறிமுதல் செய்ய நடவடிக்கை எடுக்கப்படும். அதிவேகம், அஜாக்கிரதையாக, பிற வாகன ஓட்டிகளுக்கு இடையூறு ஏற்படுத்தும்படி வாகனம் ஓட்டுவோரை கண்டறிய, தனிப்படை அமைக்கப்பட்டுள்ளது.

சமீபத்தில் சட்ட கல்லுாரி மாணவர் ஒருவர் மது போதையில் அதிவேகத்தில் வாகனத்தை ஓட்டிச்சென்று விபத்தில் சிக்கி பலியானார். அதனால், பள்ளி, கல்லுாரி மாணவ, மாணவியரில், அங்கீகாரம் பெறாத வயதுக்கு குறைவானவர்களை, வாகனம் ஓட்ட பெற்றோர், அதன் உரிமையாளர்கள் அனுமதிக்க கூடாது. மீறி அனுமதித்தால், பெற்றோர், வாகன உரிமையாளர்கள் மீது வழக்குப்பதிந்து வாகனம் பறிமுதல் செய்யப்படும்.
சேலத்தில் நடப்பாண்டு இதுவரை, சாலை விதி மீறியதாக, 6 லட்சத்து, 44 ஆயிரத்து, 300 பேர் மீது வழக்குப்பதிவு செய்யப்பட்டுள்ளது. அபராதமாக, ஜூனில், 21 லட்சம் ரூபாய், ஜூலை, ஆகஸ்டில் தலா, 13 லட்சம், செப்டம்பரில், 12 லட்சம், அக்டோபரில், 10 லட்சம் ரூபாய் வசூலிக்கப்பட்ட நிலையில், நடப்பு மாதத்தில் இதுவரை, 21 லட்சம் ரூபாய் வசூலிக்கப்பட்டுள்ளது.

அபராதம் விதிப்பது நோக்கம் அல்ல. அனைத்து வாகன ஓட்டிகளும் சாலை விதிகளை பின்பற்ற வேண்டும். அதன்மூலம் விபத்து, உயிரிழப்பை குறைப்பது தான் போலீசின் நோக்கம். மக்கள், போலீசாரின் நடவடிக்கைக்கு ஒத்துழைப்பு அளிக்க வேண்டும். இவ்வாறு அவர் கூறினார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சேலம் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X