Dinamalar

கோவை: ''பார்சலில் வேதிப்பொருட்கள் வந்தால் உடனடியாக போலீசாருக்கு தகவல் தர வேண்டும்,'' என, 'ஆன்லைன்' பொருள் விற்பனை நிறுவனங்களுக்கு, போலீஸ் கமிஷனர் பாலகிருஷ்ணன் அறிவுரை கூறினார்.

கோவையில் அக்., 23ல் நடந்த கார் குண்டு வெடிப்பில், ஐ.எஸ்., பயங்கரவாதி ஜமேஷா முபின் பலியானார். அவரது வீட்டில் இருந்து ஏராளமான வெடிபொருட்களை போலீசார் பறிமுதல் செய்தனர். வெடிபொருட்களை ஆன்லைன் இணையதளங்களில், ஜமேஷா முபின் கொள்முதல் செய்தது தெரியவந்தது.

இதையடுத்து, ஆன்லைனில் வெடிபொருட்கள் விற்பனை மற்றும் டோர் டெலிவரிக்கு, 'செக்' வைக்க போலீசார் முடிவு செய்தனர். அதன்படி இணையதள நிறுவனங்களின் அலுவலர்கள், அவர்களிடம் இருந்து பொருட்களை வாங்கி வாடிக்கையாளர்களுக்கு டெலிவரி செய்யும் நிறுவனங்களின் உரிமையாளர்கள், கூரியர் வினியோக ஏஜென்சியினர் பங்கேற்ற கூட்டம், நேற்று போலீஸ் கமிஷனர் அலுவலகத்தில் நடந்தது.

கமிஷனர் பாலகிருஷ்ணன் பேசியதாவது:

ஆன்லைன் நிறுவனங்களின் வேதிப்பொருள் விற்பனையை சமூக விரோதிகள் பயன்படுத்திக் கொள்ளும் நிலை இருக்கிறது. குறிப்பிட்ட சில வேதிப்பொருட்களை தனித்தனியாக வாங்கி, அவற்றை ஒன்று சேர்த்து வெடிபொருட்களாக மாற்றி விடுகின்றனர். குறிப்பிட்ட வேதிப்பொருட்கள் பார்சலில் வந்தால், போலீசாருக்கு நீங்கள் தகவல் தெரிவிக்க வேண்டும். பார்சல்கள் மீது சந்தேகம் வந்தாலே தெரிவிக்கலாம். யாருக்கேனும் சம்பந்தம் இல்லாமல் ஒரு பார்சல் வந்தாலும், அது பற்றி போலீசாருக்கு தெரிவிக்கலாம். இவ்வாறு கமிஷனர் பேசினார்.

• 1.நீதியின் பால் வாழ்வது தான் வாழ்க்கை: உச்ச நீதிமன்ற நீதிபதி சுந்தரேஷ் பேச்சு
• 2.பிளஸ் 2 முடிச்சாச்சு! அடுத்தது என்ன, எங்கே? வாங்க ' தினமலர் -வழிகாட்டி' நிகழ்ச்சிக்கு!
• 3.திருப்பூருக்கு வட மாநில தொழிலாளர் வருகை அதிகரிப்பு
• 4.தமிழ் புத்தாண்டை முன்னிட்டு சிறப்பு ரயில்கள் அறிவிப்பு
• 5. பிரதமர் முதுமலை வருகை? ஹெலிபேட் அமைக்க ஆய்வு
• 6. பன்னீர் பட்டர் மசாலா
• 7. எர்ணாகுளம் ரயில் கோவைக்கு வராது
• 8. பேரூர் பட்டீஸ்வரர் கோவிலில் திருக்கல்யாண உற்சவம்
• 9. உதவாத காப்பீடு விதிமுறை வாழை விவசாயிகள் கண்ணீர்
• 10. பேனர் வைப்பதில் தி.மு.க.,வினர் 'மோதல்'