ஆற்றில் குளித்த வாலிபர் முதலை கடித்து பலி 4 மணி நேர தேடலுக்கு பின் சடலம் மீட்பு
Added : நவ 27, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News



சிதம்பரம் : சிதம்பரம் அருகே, கொள்ளிடம் ஆற்றில் குளித்த இளைஞரை முதலை இழுத்துச் சென்ற நிலையில், 4 மணி நேரத்திற்கு பிறகு அவர் சடலமாக மீட்கப்பட்ட சம்பவம், அப்பகுதியில் சோகத்தை ஏற்படுத்தியது.

கடலுார் மாவட்டம், சிதம்பரம் அடுத்த வடக்கு வேலக்குடி பகுதியை சேர்ந்தவர் பக்கிரி மகன் திருமலை, 18. இவர், நேற்று பிற்பகல் 3:00 மணியளவில், வீட்டின் பின்புறம் உள்ள பழைய கொள்ளிடம் ஆற்றில் நண்பர்களுடன் குளித்துக் கொண்டிருந்தார். அப்போது, திடீரென தண்ணீரில் இருந்து வந்த 15 அடி நீளமுள்ள பெரிய முதலை ஒன்று, கரையோரம் குளித்துக் கொண்டிருந்த திருமலையின் கையை கடித்து, ஆற்றிற்குள் இழுத்துச் சென்றது. இதனால் அதிர்ச்சி அடைந்த நண்பர்கள் அலறியடித்து கரையேறி, கூச்சலிட்டனர்.

சத்தம் கேட்டு அக்கம் பக்கத்தினர் ஓடி வந்து, கம்பு மற்றும் கற்களை எடுத்து வீசி முதலையை தாக்கி, மாணவரை மீட்க முயன்றனர். அதற்குள் முதலை புதருக்குள் சென்று மறைந்தது. தகவல் அறிந்த அப்பகுதி உள்ளூர் மீனவர்கள் மற்றும் சிதம்பரம் தீயணைப்பு துறையினர் சம்பவ இடத்திற்கு விரைந்து சென்று, படகு மூலம் ஆற்றில் இறங்கி, திருமலையை தேடினர்.

நான்கு மணி நேர தேடலுக்கு பின், இரவு 7:00 மணியளவில் இறந்த நிலையில் திருமலையின் உடலை மீட்டனர். இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.

இது குறித்து சிதம்பரம், அண்ணாமலை நகர் போலீசார் வழக்குப் பதிந்து, விசாரித்து வருகின்றனர்.



தொடரும் பலி




சிதம்பரம், காட்டுமன்னார்கோவில் பகுதிகளில் இதுவரை முதலை கடித்து 20க்கும் மேற்பட்டோர் இறந்துள்ளனர். 50க்கும் மேற்பட்டோர் காயமடைந்தனர்.

இது போன்ற தொடர் சம்பவங்களாக இப்பகுதி மக்கள் அச்சத்தில் உள்ளனர். எனவே, இப்பகுதி மக்களின் நீண்ட நாள் கோரிக்கையான முதலை பண்ணை அமைக்க விரைவில் நடவடிக்கை எடுக்க வேண்டும் என, சமூக ஆர்வலர்கள் கோரிக்கை விடுத்துள்ளனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X