Dinamalar

கூடலுார், : பாலிதீன் பைகளை தடை செய்யும் வகையில் குமுளி எல்லையில் தமிழகப்பகுதிக்கு வாகனங்களில் வருபவர்களிடம் கூடலூர் நகராட்சி சார்பில் துணிப்பைகள் வழங்கி விழிப்புணர்வு ஏற்படுத்தினர்.

கேரளாவில் இருந்து பாலிதீன் மற்றும் பிளாஸ்டிக் கழிவுகள் தமிழக எல்லை குமுளி வனப்பகுதியில் கொட்டி செல்வது தொடர்ந்துள்ளது. சபரிமலை சீசனால் ஐயப்ப பக்தர்கள் வாகனங்கள் அதிக அளவில் வருகின்றன. இதனால் கூடலுார் நகராட்சி கமிஷனர் காஞ்சனா தலைமையில் எல்லைப் பகுதியான குமுளியில் கேரளாவிலிருந்து வரும் அனைத்து வாகனங்களையும் சோதனை செய்து வருகின்றனர். பாலிதீன் கழிவுகள், பாலிதீன் பைகள் இருந்தால் உடனடி அபராதம் விதிக்கப்படுகிறது. மேலும் பாலிதீன் பைகள் பயன்படுத்தாமல் தடுப்பதற்காக துணிப்பைகள் வழங்கி விழிப்புணர்வை ஏற்படுத்தினர். அனைத்து வாகனங்களிலும் பாலிதீன் பைகளை தவிர்த்து துணிப்பை பயன்படுத்த விழிப்புணர்வு ஏற்படுத்தும் நோட்டீஸ் ஒட்டப்பட்டது. வாகனங்களில் கிருமி நாசினி தெளிக்கப்பட்டது. நகராட்சி பொறியாளர் வரலட்சுமி, சுகாதார ஆய்வாளர் விவேக், மாவட்ட சுற்றுச்சூழல் பொறியாளர் விஸ்வநாதன் உள்ளிட்டோர் உடன் இருந்தனர்.

• 1.அதிகாரிகளை நோகடிக்கும் மந்திரிகளின் 'ஐ.டி., விங்!'
• 2. தெப்பத்திருவிழா
• 3. குவாரிக்கு அனுமதி வழங்க எதிர்ப்பு
• 4. அட்டப்பட்டியிலும் வீணாகும் நெல்மூடைகள்; மேலூர் கொள்முதல் மையங்களில் நடப்பதென்ன
• 5. கல்லுாரி மாணவர்களுக்கான போட்டி
• 6. மாநகராட்சி குறைதீர் முகாம்
• 7. 793 கிலோ கொப்பரை ஏலம்
• 8. இன்றைய நிகழ்ச்சி /// (பிப்.8)
• 9. சோழவந்தானில் ஆக்கிரமிப்பால் 'டிராபிக் ஜாம்': தவிக்கும் மக்கள்
• 10. கண் திறப்பு விழா