வணிக பயன்பாட்டை நுகர்வோர் மறைத்தது அம்பலம்: முழுமையாக ஆய்வு செய்ய மின் வாரியம் முடிவு
Updated : நவ 28, 2022 | Added : நவ 28, 2022 | கருத்துகள் (6) | |
Advertisement
 
 
 
Advertisement
Advertisement
dinamalar advertisement tariff
 

சென்னை குடிநீர் வாரியத்தில் வணிக பயன்பாட்டை மறைத்து, வீட்டு பயன்பாட்டுக்கான வரி செலுத்தி முறைகேட்டில் ஈடுபடுவோரை கண்டுபிடிக்க, மின்வாரிய கணக்குடன் ஒப்பீடு செய்யும் பணி நடக்கிறது. தற்போது, 10 ஆயிரம் நுகர்வோரிடம் நடத்திய ஆய்வில், 10 சதவீதம் பேர் வணிக பயன்பாட்டை மறைந்து வரி செலுத்தியது அம்பலமானது. இதுவரை எடுக்கப்பட்ட நடவடிக்கையில், வாரியத்திற்கு வருவாய் அதிகரித்ததால், அனைத்து வணிக பயன்பாட்டு கட்டடங்களையும் ஆய்வு செய்ய முடிவு செய்துள்ளது.



latest tamil news



சென்னை மாநகராட்சியில் உள்ள 15 மண்டலங்களில், 9.91 லட்சம் குடிநீர் மற்றும் கழிவுநீர் இணைப்புகள் உள்ளன. தினமும் 100 கோடி லிட்டர் குடிநீர் வினியோகம் செய்யப்படுகிறது. குடிநீர், கழிவுநீரை பொறுத்தமட்டில் வீட்டு இணைப்பு, வணிகம் சார்ந்த இணைப்பு மற்றும் தற்காலிக இணைப்பு வழங்கப்படுகிறது.


கட்டடம் கட்ட 'பிளான்' வாங்கும் போது, சாலை துண்டிப்பு கட்டணம் செலுத்தி, புதிய இணைப்பு வாங்க வேண்டும். ஆனால் சிலர் வங்கிக் கடன், சொத்து பரிமாற்ற தேவைக்காக புதிய இணைப்பு வாங்கிய பின், முதல் அரையாண்டுக்கான வரி மற்றும் கட்டணம் செலுத்துவர். அடுத்து, பழைய கட்டடத்தின் ரசீதை வைத்து வரி, கட்டணம் செலுத்தி, புதிய வீட்டுக்கு நிர்ணயித்த கட்டணத்தை மறைத்து விடுவர்.

இதில், ஒரே வீட்டு முகவரியில் இரண்டு வரி எண்கள் பதிவாவதால், வாரியத்திற்கு வருவாய் இழப்பு ஏற்படுகிறது. மேலும், வீட்டுக்கு இணைப்பு பெற்ற பின், வீட்டின் ஒரு பகுதி அல்லது முழுதையும் வணிக பயன்பாட்டுக்கு விடுவர். அப்போது குடிநீர், கழிவுநீர் இணைப்பை வணிக பயன்பாட்டுக்கு மாற்றாமல், வீட்டு பயன்பாடு எனக் கூறி தொகை செலுத்துவர். இதிலும், வருவாய் இழப்பு ஏற்படுகிறது. இதை கண்டுபிடிக்க, குடிநீர் வாரியம் அதிரடி நடவடிக்கை எடுத்து வருகிறது. மாநகராட்சியின் வரி மதிப்பீட்டை வைத்து, குடிநீர் வாரியம் வரி நிர்ணயம் செய்கிறது.

துல்லியமான விவரம், குடிநீர் வாரியத்திடம் இல்லை. ஆனால், மின் வாரியத்திடம் நுகர்வோர் விவரம், 99 சதவீதம் துல்லியமாக இருப்பதாக, குடிநீர் வாரிய கருதுகிறது.
இதனால் சோதனை அடிப்படையில், மின்வாரியத்தில் உள்ள வணிகம் மற்றும் பகுதி வணிகம் சார்ந்த 36 ஆயிரத்து 740 நுகர்வோரின் முகவரியை வாங்கி, குடிநீர் வாரிய நுகர்வோரின் பயன்பாட்டுடன் ஒப்பீடு செய்யும் பணி, கடந்த மாதம் துவங்கியது. இதில், பலர் முறைகேட்டில் ஈடுபட்டு, குடிநீர் வாரியத்திற்கு வருவாய் இழப்பு ஏற்படுத்தியது தெரிந்தது.






மொத்தம், 10 ஆயிரம் பேர் பயன்பாட்டை ஒப்பீடு செய்ததில், 1,121 பேர் வணிக பயன்பாட்டை மறைத்து, வீட்டு பயன்பாட்டில் வரி செலுத்தியது தெரிந்தது. இவர்களுக்கு நோட்டீஸ் வழங்கி, மின்வாரியத்தில் எப்போதிருந்து வணிக பயன்பாட்டில் உள்ளதோ, அப்போதிருந்து வணிக அடிப்படையில் வரி செலுத்த வலியுறுத்தப்பட்டது. இதன்படி, ஒப்பீடு பணி முடிந்த மணலி மண்டலத்தில், 10 பேரிடம் இருந்து 1.60 லட்சம் ரூபாயும், மாதவரம் மண்டலத்தில் 8 பேரிடம் இருந்து, 99 ஆயிரம் ரூபாயும் வசூலிக்கப்பட்டது.

மொத்தம் மூன்று மண்டலங்களில், 100 சதவீதம் ஒப்பீடு பணி முடிந்தது. பருவமழையால் அம்பத்துார், கோடம்பாக்கம், ஆலந்துார் உள்ளிட்ட மண்டலங்களில், ஒப்பீடு பணி மந்தமாக நடந்தது. இதுவரை எடுக்கப்பட்ட நடவடிக்கையில், வாரியத்திற்கு வர வேண்டிய வருவாய் அதிகரித்து உள்ளதால், ஒப்பீடு பணியை தொடர, குடிநீர் வாரியம் முடிவு செய்துள்ளது.

இதுவரை நடத்திய ஒப்பீட்டில், 10 சதவீதம் பேர் முறைகேட்டில் ஈடுபட்டது தெரிந்தது. அவர்களுக்கு நோட்டீஸ் வழங்கி, வணிகம் சார்ந்த வரியை வசூலிக்கிறோம். தற்போது, 36 ஆயிரம் பேரின் கணக்கை தான் ஒப்பீடு செய்கிறோம். மொத்தத்தில் ஒப்பீடு செய்யும் போது, பல கோடி ரூபாய் வருவாய் கிடைக்க வாய்ப்புள்ளது. மழையால், ஒப்பீடு பணி பாதிக்கப்பட்டது. மீண்டும், பணியை தொடர்கிறோம். மழைநீர் சேகரிப்பு கணக்கெடுப்பு நடத்தும் களப்பணியாளர்கள் வழியாகவும் ஆய்வு நடக்கிறது. பொதுமக்கள் தானாக முன்வந்து, வணிக பயன்பாட்டு வரியை செலுத்த வேண்டும். - குடிநீர் வாரிய அதிகாரிகள்

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (6)
Natarajan Ramanathan - தேவகோட்டை,இந்தியா
28-நவ-202219:53:35 IST Report Abuse
Natarajan Ramanathan ஒரு குடியிருப்பில் இருபது முப்பது வீடுகள் இருந்தாலும் ஒரு கனெக்ஷன்தான் குடிநீர் வாரியம் தருகிறது. ஆனால் குடிநீர் வழங்கல் கட்டணம் மட்டும் தனித்தனியாக அனைவருக்கும் வசூலிப்பது மட்டும் அநியாயம் இல்லையா? மேலும் கழிவுநீர் இணைப்பு மட்டும் இருந்து குடிநீர் இணைப்பு இல்லாவிட்டாலும் அதற்கும் கட்டணம் வசூலிக்கும் கொடுமை நடக்கிறது.
Rate this:
Cancel
vpurushothaman - Singapore,சிங்கப்பூர்
28-நவ-202214:25:18 IST Report Abuse
vpurushothaman இதில் பெரும்பாலானவை " திராவிடமாடல் " காரர்களுடையதாக இருக்கும். அதனால்தான் இவ்வளவு காலம் அனுபவித்திருக்கிறார்கள். இப்போது " மூனு சி' " யில் பிரச்சினை ஏற்பட்டிருக்கும் விஷயம் வெளியில் வந்துள்ளது.
Rate this:
Cancel
duruvasar - indraprastham,இந்தியா
28-நவ-202211:17:38 IST Report Abuse
duruvasar மாத சம்பளம் வழங்காதலால் அரசு ஊழியர்கள் இப்படி செய்கிறார்கள் . இல்லாவிட்டால் நாளொழுக்கத்தின் பாதுகாவலர்கள் அவர்கள்தான் என்றால் அது மிகையாகாது .
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X