Dinamalar

அப்போது, அவ்வழியே கூத்தப்பாக்கம் சுப்ரமணி, 57; என்பவர் ஓட்டி வந்த சரக்கு வாகனம் ரயில்வே கேட் மூடுவதற்குள் தண்டவாளத்தை கடக்க முயன்றது.

ஆனால் ரயில்வே கேட் பைப்பில் சரக்கு வாகனத்தின் மேல் பகுதி சிக்கியது.

இதனால் பைப் சேதமானது. சிக்னல் கிடைக்காமல் சரக்கு ரயில் திருப்பாதிரிப்புலியூர் ரயில் நிலையத்திலும், மும்பை-காரைக்கால் எக்ஸ்பிரஸ் ரயில், விழுப்புரம்-மயிலாடுதுறை பயணிகள் ரயில் நெல்லிக்குப்பம் ரயில் நிலையத்திலும் நிறுத்தப்பட்டது. சிறிது நேரம் போக்குவரத்து பாதித்தது.

திருப்பாதிரிப்புலியூர் ரயில்வே ஊழியர்கள் சம்பவ இடத்திற்கு வந்து ரயில்வே கேட்டை சரி செய்யும் பணியில் ஈடுபட்டனர். ஆனால், சீரமைப்பு பணி தாமதம் ஏற்பட்டது. இதனால் 20 நிமிடத்திற்கு பின் ரயில்கள் சைகை மூலமாக அனுப்பப்பட்டது.

கம்மியம்பேட்டை ரயில்வே கேட்டை ரயில்கள் கடந்து சென்ற போது, கேட் சேதமடைந்த பகுதி வழியாக பொதுமக்கள் கடக்காதவாறு ஊழியர்கள் பாதுகாப்பாக நின்றனர்.

கேட் இரவு 7:00 மணிக்கு சரி செய்யப்பட்டது. இச்சம்பவம் குறித்து கடலுார் துறைமுகம் ரயில்வே போலீசார் வழக்குப் பதிந்து சுப்ரமணியை கைது செய்து, சரக்கு வாகனத்தை பறிமுதல் செய்தனர்.