பிரதமர் கரீப் கல்யாண் அன்ன யோஜனா திட்டத்தில் 11.21 கோடி டன் தானியம்
Added : நவ 30, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News

ராமநாதபுரம்:''பிரதமர் கரீப் கல்யாண் அன்ன யோஜனா திட்டத்தில் மத்திய அரசு சார்பில் நாடு முழுவதும் ரூ.3.9 லட்சம் கோடி மதிப்புள்ள 11.21 கோடி டன் அரிசி, கோதுமை வழங்கப்பட்டுள்ளது,'' என, ராமநாதபுரத்தில் இந்திய உணவுக் கழகத்தின் தூத்துக்குடி மண்டல மேலாளர் பப்பால்பீர் சிங் தெரிவித்தார்.

இந்திய உணவுக் கழகத்தின் மூலம் சேமித்து வைக்கப்படும் தானியங்களின் தரம், கோடவுன்களின் பாதுகாப்பு, கண்காணிப்பு முறைகள் குறித்த வெளிப்படை தன்மை அவசியம் என்ற நோக்கத்தில் மண்டல மேலாளர் முன்னிலையில் ராமநாதபுரம் கோடவுனில் இந்த ஆய்வு நடந்தது.

கோடவுனில் இருப்பு வைக்கப்பட்டுள்ள அரிசி, கோதுமையின் தரம் பரிசோதிக்கப்பட்டது. அவற்றை பாதுகாப்பாக வைக்கப்பட்டுள்ள முறை, சி.சி.டிவி., மூலம் 24 மணி நேர கண்காணிப்பு செயல்பாடுகள், பாதுகாப்பு குறித்து ஆய்வு செய்யப்பட்டது.

பின் மண்டல மேலாளர் பப்பால்பீர் சிங் கூறியதாவது: பத்து மாவட்டங்களுக்கான இந்திய உணவுக் கழகத்தின் தலைமை மண்டல அலுவலகம் தூத்துக்குடியில் செயல்படுகிறது. இந்த மண்டலத்திற்கு இரண்டு கோடவுன்கள் ராமநாதபுரம், தூத்துக்குடியில் உள்ளன.

பிரதம மந்திரியின் கரீப் கல்யாண் அன்ன யோஜனா திட்டத்தில் 2020 முதல் இதுவரை ஒவ்வொரு நிலைகளாக 7 நிலைகளில் ரூ.3.9 லட்சம் கோடி மதிப்புள்ள 11.21 கோடி டன் அரிசி, கோதுமை நாட்டு மக்களுக்கு வழங்கப்பட்டுள்ளது.

தூத்துக்குடி மண்டலத்தில் மட்டும் 12.46 லட்சம் டன் அரிசியும், 67 ஆயிரம் டன் கோதுமையும் 1.85 கோடி பேருக்கு வழங்கப்பட்டுள்ளது.

தற்போது கோடவுன்கள் அனைத்தும் ஆன்-லைனில் இணைக்கப்பட்டதால் அனைத்து தகவல்களும் பேப்பர் பயன்பாடின்றியும், வெளிப்படை தன்மையுடன் கிடைக்கிறது. பில்கள் அனைத்தும் டிராக்கிங் சிஸ்டத்துடன் இணைக்கப்பட்டுள்ளதால் எவ்வித சந்தேகத்திற்கும் இடமளிப்பதில்லை.

அனைத்து கோடவுன்களும் கிட்டங்கி ஒழுங்கு முறை ஆணையத்தில்(டபிள்யூ.டி.ஆர்.ஏ.,) பதிவு செய்யப்பட்டுள்ளது. இந்திய தரக்கட்டுப்பாட்டு மையத்தினர் பல்வேறு வழிமுறைகளின் படி ஆய்வு நடத்தியதில் ராமநாதபுரம் இந்திய உணவு கழகத்தின் கோடவுனுக்கு 5 நட்சத்திர தரச்சான்று வழங்கப்பட்டுள்ளது, என்றார்.

ஒப்பந்தங்கள் நிறுவுதல் பிரிவு மேலாளர் சிவராஜ், தானியங்கள் இடமாற்ற பிரிவு மேலாளர் நிலோபர்ஷா, எப்.சி.ஐ., பொறுப்பாளர் கார்த்திகேயன், தரக்கட்டுப்பாட்டு மேலாளர் ரவி உடன் இருந்தனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் மதுரை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X