Dinamalar

கள்ளக்குறிச்சி : எலவனாசூர்கோட்டை அருகே சொத்து எழுதித் தராத கணவருக்கு மதுவில் விஷம் கலந்து கொடுத்து கொல்ல முயன்ற மனைவி உட்பட 2 பேர் மீது போலீசார் வழக்குப் பதிந்தனர்.

கள்ளக்குறிச்சி மாவட்டம், எலவனாசூர்கோட்டை அடுத்த எறையூர்பாளையம் பகுதியைச் சேர்ந்தவர் மரியசூசை மகன் அந்தோணிசாமி, 26; இவர், சென்னை, செம்மஞ்சேரிகுப்பத்தைச் சேர்ந்த ராஜனி, 23; என்பவரை காதலித்து திருமணம் செய்து கொண்டார்.

சென்னையில் இருந்தவரை அவரது மாமியார் வீட்டில் தங்கியிருந்த அந்தோணிசாமி, சில மாதங்களுக்கு முன் சொந்த ஊரான எறையூர்பாளையத்திற்கு மனைவியுடன் வந்து குடும்பம் நடத்தினார்.

இந்நிலையில், கிராமத்தில் உள்ள இடத்தினை ராஜனி தனது பெயருக்கு எழுதித் தரும்படி கேட்டுள்ளார்.

அந்தோணிசாமி அதற்கு சம்மதிக்கவில்லை. இதனால், கணவன் மனைவிக்குமிடையே அடிக்கடி தகராறு ஏற்பட்டது.

இந்நிலையில் கடந்த மாதம் 7ம் தேதி ராஜனி, தனது உறவினர் சிவசங்கர் மனைவி தேவியுடன் சேர்ந்து கணவர் அந்தோணிசாமிக்கு மதுவில் விஷம் கலந்து கொடுத்தார்.

இதில், மயங்கி விழுந்த அவர் சேலம் தனியார் மருத்துவனையில் சிகிச்சை பெற்று குணமாகி வந்தார். அந்தோணிசாமி நேற்று முன்தினம் எலவனாசூர்கோட்டை போலீசில் புகாரின் அளித்தார். அதன் பேரில் போலீசார் வழக்குப் பதிந்து விசாரித்து வருகின்றனர்.

• 1. தைப்பூச ஜோதி தரிசன விழா பக்தர்களுக்கு பால் வழங்கல்
• 2. விமலா சக்ரபாணி மஹால் திறப்பு விழா
• 3. துண்டு பிரசுரம் வழங்கல்
• 4. இலவச மருத்துவ முகாம்
• 5. இருதரப்பு மோதல்: 20 பேர் மீது வழக்கு
• 6. சி.என்.பாளையத்தில் கடைவீதி திருவிழா
• 7. பொறுப்பேற்பு
• 8. புத்தேரி கோவிலில் திருவிளக்கு பூஜை
• 9. களப்பணி துவக்க விழா
• 10. ரேணுகா பரமேஸ்வரி அம்மன் கோவில் ஆண்டு விழா