Dinamalar

திண்டிவனம், : திண்டிவனம் அருகே, இரண்டு அரசு பஸ்களை பொதுமக்கள் சிறைபிடித்து போராட்டத்தில் ஈடுபட்டதால் பரபரப்பு நிலவியது.

விழுப்புரம் மாவட்டம், திண்டிவனத்தில் இருந்து 15 கி.மீ., தொலைவில் கீழ்சேவூர் கிராமம் உள்ளது. இப்பகுதியில் 500க்கும் மேற்பட்ட குடும்பத்தினர் வசித்து வருகின்றனர்.

இப்பகுதியில் இருந்து ஏராளமான மாணவ, மாணவியர்கள், திண்டிவனத்தில் உள்ள கல்லுாரி, பள்ளிகளில் படித்து வருகின்றனர்.

திண்டிவனத்தில் இருந்து கீழ்சேவூர் கிராமத்திற்குச் செல்லும் அரசு பஸ்கள், சில நாட்களாக சரியான நேரத்திற்கு இயக்கப்படாததால் மாணவர்கள், பொதுமக்கள் பாதிக்கப்பட்டனர்.

ஆத்திரமடைந்த அப்பகுதி மக்கள் நேற்று காலை 9:30 மணியளவில் ஆவணிப்பூரில் இருந்து திண்டிவனம் நோக்கி வந்த அரசு பஸ்சையும்; திண்டிவனத்தில் இருந்து ஆவணிப்பூர் சென்ற அரசு பஸ்சையும் சிறை பிடித்தனர்.

தங்கள் பகுதிக்கு பஸ்கள் வராததால் மாணவ, மாணவியர்கள் இரவு 8:00 மணிக்கு வீட்டிற்கு வரும் சூழல் உள்ளதாகக் கூறி, போராட்டத்தில் ஈடுபட்டனர்.

தகவலறிந்த திண்டிவனம் போக்குவரத்துக் கழக பணிமனை அதிகாரிகள் சம்பவ இடத்திற்குச் சென்று பேச்சுவார்த்தை நடத்தினர் அதில், உரிய நேரத்தில் பஸ்கள் இயக்க நடவடிக்கை எடுப்பதாக உறுதியளித்தனர்.

அதனைத் தொடர்ந்து, 10:15 மணியளவில் பொதுமக்கள் பஸ்களை விடுவித்தனர்.

• 1. தைப்பூச ஜோதி தரிசன விழா பக்தர்களுக்கு பால் வழங்கல்
• 2. விமலா சக்ரபாணி மஹால் திறப்பு விழா
• 3. துண்டு பிரசுரம் வழங்கல்
• 4. இலவச மருத்துவ முகாம்
• 5. இருதரப்பு மோதல்: 20 பேர் மீது வழக்கு
• 6. சி.என்.பாளையத்தில் கடைவீதி திருவிழா
• 7. பொறுப்பேற்பு
• 8. புத்தேரி கோவிலில் திருவிளக்கு பூஜை
• 9. களப்பணி துவக்க விழா
• 10. ரேணுகா பரமேஸ்வரி அம்மன் கோவில் ஆண்டு விழா