Dinamalar

கோவை:கிராம உதவியாளர் பணியிடங்களை பூர்த்தி செய்வதற்கான எழுத்துத்தேர்வு, கோவை மாவட்டத்தில் 9 மையங்களில் நேற்று நடந்தது.

தமிழகம் முழுவதும், 2,748 கிராம உதவியாளர்கள் தேர்வு செய்வதற்கான அறிவிப்பை, மாநில அரசு வெளியிட்டுள்ளது. கோவை மாவட்டத்தில் 200க்கும் மேற்பட்ட உதவியாளர்கள், தேர்வு செய்யப்பட உள்ளனர்.

இதற்கென ஐந்தாம் வகுப்பு தேர்ச்சி பெற்ற, சைக்கிள் ஓட்டத் தெரிந்தவர்கள் ஆன்லைன் வாயிலாக விண்ணப்பிக்கலாம் என்று, அறிவிப்பு வெளியிடப்பட்டிருந்தது. கோவை மாவட்டத்தில் மட்டும், 3,508 பேர் விண்ணப்பம் அளித்திருந்தனர்.

இவர்களுக்கான எழுத்துத்தேர்வு, நேற்று மாவட்டத்தில் 9 மையங்களில் நடந்தது. 2,648 பேர் பங்கேற்றனர். 860 பேர் 'ஆப்சென்ட்' ஆகினர்.

மேட்டுப்பாளையம், அன்னுார், சூலுார், பேரூர், மதுக்கரை, கிணத்துக்கடவு, பொள்ளாச்சி, ஆனைமலையில் தலா ஒரு இடத்திலும், கோவை வடக்கு தாலுகாவில் மட்டும், இரு இடங்களிலும் எழுத்துத் தேர்வு நடந்தது.

மாவட்ட கலெக்டர் சமீரன் தேர்வை மேற்பார்வையிட்டார்.

அந்தந்த துணை கலெக்டர்கள், தாசில்தார்கள் முன்னிலையில், தேர்வு நடத்தப்பட்டது. இறுதி முடிவுகள் விரைவில் வெளியாகும் என்று, அதிகாரிகள் தெரிவித்தனர்.

• 1. கட்டண உயர்வு வழங்க மறுப்பு; பவர் டேபிள் சங்கம் 'ஸ்டிரைக்' பவர் டேபிள் சங்கத்தினர் வேலை நிறுத்தம்
• 2. சமயபுரம் மாரியம்மன் கோவில் பொங்கல் பூச்சாட்டு விழா
• 3. வர்த்தகர்கள் ஆர்வம்; 'நிட்பேர்' இன்று நிறைவு
• 4. கல்வி உதவித்தொகை பெற வங்கி கணக்கு துவக்குங்க! 
• 5. ஜீன்பூல் மையத்தில் சீரமைப்பு பணி
• 6. வேலை நிறுத்த போராட்டம் அரசு அலுவலகங்கள் 'வெறிச்'
• 7. நள்ளிரவில் வனத்தீ மூங்கில்கள் எரிந்து நாசம்
• 8. காங்., ஆர்ப்பாட்டம் 51 பேர் கைது
• 9. சாலையில் மரம் விழுந்து போக்குவரத்து பாதிப்பு
• 10. முகாமிட்ட காட்டு யானைகள் 4 கி.மீ., விரட்டிய வனத்துறையினர்