Dinamalar

குன்னுார்;குன்னுார் வெலிங்டன் ராணுவ பயிற்சி கல்லுாரிக்கு வருகை தந்த முப்படை தளபதி அனில் சவ்கான் பயிற்சி அதிகாரிகளுடன் கலந்துரையாடினார்.

நீலகிரி மாவட்டம், குன்னுார் வெலிங்டன் ராணுவ பயிற்சி கல்லுாரியில் ராணுவம், கப்பல் படை, விமானப்படையில் உள்ள இடைநிலை அதிகாரிகளுக்கு பயிற்சி அளிக்கப்படுகிறது. நமது நாட்டை சேர்ந்த, 400க்கும் மேற்பட்டோர், நட்பு நாடுகளை சேர்ந்த, 50 அதிகாரிகள் பயிற்சி பெறுகின்றனர். இந்நிலையில், நேற்று கல்லுாரிக்கு வருகைபுரிந்த நாட்டின் முப்படை தளபதி அனில் சவ்கான், அதிகாரிகளுடன் கலந்துரையாடினார்.

அவரிடம், 'வேகமாக மாறிவரும் சூழலுக்கு ஏற்ப பயிற்சி அதிகாரிகளை தயார்படுத்த வேண்டும்; ராணுவ பயிற்சி கல்லுாரியின் தேவைகளை பூர்த்தி செய்வதுடன், உட்கட்டமைப்பு வசதிகளை மேம்படுத்தும் திட்டங்கள் அவசியம்' என, முப்படை தளபதியிடம், ராணுவ உயர் அதிகாரிகள் முறையிட்டனர். தொடர்ந்து, கல்லுாரி கமாண்டன்ட் லெப்., ஜெனரல் வீரேந்திர வாட்ஸ், கல்லுாரியின் நினைவு சின்னத்தை அவருக்கு பரிசாக வழங்கினார்.

ஹெலிகாப்டர் ரத்து

கோவை விமான நிலையத்தில் இருந்து ஹெலிகாப்டரில் வந்த முப்படை தளபதி அனில் சவ்கான, நேற்று காலை, 9:40 மணிக்கு ஜிம்கானா மைதானத்தில் இறங்கி கல்லுாரிக்கு சென்றார். நிகழ்ச்சி முடிந்து ஹெலிகாப்டரில் செல்ல இருந்த நிலையில் கடும் மேகமூட்டம் நிலவியதால் கோத்தகிரி சாலை மார்கமாக காரில் கோவை விமான நிலையம் சென்றார். அங்கிருந்து விமானம் மூலம் டில்லி புறப்பட்டார்.

• 1. உள்ளாட்சித்துறை லஞ்சத்தை எதிர்த்ததால் பணியிலிருந்து டிஸ்மிஸ்!
• 2. இ.கம்யூ., கவுன்சிலர் மீது தி.மு.க.,வினர் பாய்ச்சல் : ஆக்கிரமிப்பு அகற்றும் பிரச்னையில் வாக்குவாதம்
• 3. வேளாண் பல்கலை இளங்கலை படிப்பு : உடனடி மாணவர் சேர்க்கை அறிவிப்பு
• 4. ஸ்ரீ நாகசாயி மந்திர்- மஹா கும்பாபிஷேக விழா : கோவையில் நாளை போக்குவரத்து மாற்றம்
• 5. 'பொறுப்பாளர்' நியமனம்: காங்., கட்சியில் புகைச்சல்
• 6. இந்தியாவின் வளர்ச்சியை அனைத்து நாடுகளும் கவனிக்கின்றன : கோவையில் கவர்னர் ரவி பெருமிதம்
• 7. நீலகிரியில் மின் உற்பத்தி 700 மெகாவாட்
• 8. பிளாஸ்டிக் பார்சலுக்கு அபராதம் : மாநிலத்தில் கோவை முதலிடம்
• 9. நாகசாயி மந்திரில் அண்ணாமலை தரிசனம்
• 10. உணவு பொருள் கலப்படத்தை கண்டறிய 'மொபைல் லேப்'