Dinamalar

நேற்று முன்தினம் முகூர்த்த நாள் என்பதால் போக்குவரத்து நெரிசல் அதிகமாக இருந்தது. தேசிய நெடுஞ்சாலையில் வாகனங்கள் அணிவகுத்து நின்றன.

இதற்கிடையே, பல்வேறு நிகழ்ச்சிகளில் பங்கேற்ற ஹிந்து மக்கள் கட்சி தலைவர் அர்ஜுன் சம்பத், கோவையில் இருந்து பல்லடம் நோக்கி வந்தார். பல்லடத்தில் வாகனங்கள் அணிவகுத்து நின்றன. நீண்ட நேரம் காத்திருந்த அர்ஜுன் சம்பத் காரில் இருந்து இறங்கி நடந்து சென்று கடை ஒன்றில் காத்திருந்தார். அரை மணி நேரத்துக்கு பின், நெரிசலை கடந்து கார் வந்ததும் அதில் ஏறி புறப்பட்டார்.

அவர் கூறுகையில், ''தொழில் ரீதியாக வளர்ந்து வரும் பல்லடத்துடன் பல்வேறு முக்கிய நகரங்களுக்கு செல்லும் சாலைகள் இணைகின்றன.

இங்கு ஏற்படும் போக்குவரத்து நெரிசல் பிரச்னைக்கு தீர்வு காண, மேம்பாலம் அமைப்பதுடன் புறவழிச்சாலை திட்டத்தை உடனடியாக செயல்படுத்த வேண்டியதும் அவசியம்,'' என்றார்.